សិង្ហបុរី ដំឡើងរូបចម្លាក់រចនាបថ«ប្រាសាទអង្គរវត្ត»ក្នុងសួនរុក្ខជាតិដ៏ល្បីលំដាប់ពិភពលោក

សិង្ហបុរី៖ ប្រទេសសិង្ហបុរី បានដំឡើងរូបចម្លាក់រចនាបថប្រាសាទអង្គរវត្ត នៅកណ្តាលឧទ្យានធម្មជាតិដ៏ល្បីលំដាប់ពិភពលោក Gardens by the Bay។ លើសពីនេះក៏មានការសម្តែងសិល្បៈវប្បធម៌ខ្មែរ និងតាំងរូបចម្លាក់រចនាបថប្រាសាទអង្គរវត្ត ជូនភ្ញៀវទេសចរទស្សនាផងដែរ ចាប់ពីថ្ងៃទី ១៧ ខែឧសភានេះ រហូតដល់ថ្ងៃទី៨ ខែកញ្ញា ឆ្នាំ២០២៤។

សូមជម្រាប់ថា Gardens by the Bay គឺជាឧទ្យានធម្មជាតិដែលលាតសន្ធឹងលើផ្ទៃដី ១០១ ហិកតា នៅក្នុងតំបន់កណ្តាលនៃប្រទេសសិង្ហបុរី ដែលនៅជាប់នឹងអាងស្តុកទឹកម៉ារីណា។ ឧទ្យាននេះមានសួនច្បារមាត់ទឹកចំនួនបីធំៗ រួមមានសួន Bay South Garden, Bay East Garden និង Bay Central Garden ៕