«ផ្ទុះភ្នំភ្លើង»នៅឥណ្ឌូនេស៊ីបណ្តាលឲ្យមនុស្សរាប់សិបនាក់ភៀសខ្លួន

ឥណ្ដូនេស៊ី៖ យ៉ាងហោចណាស់មនុស្ស ៨០០ នាក់ នៅក្នុងខេត្ត Sulawesi ខាងជើងនៃប្រទេសឥណ្ឌូនេស៊ី ត្រូវបានជម្លៀសចេញបន្ទាប់ពីការផ្ទុះភ្នំភ្លើង Ruang បានកើតរយៈពេលជាច្រើនថ្ងៃដោយបញ្ចេញកម្អែ និងផេះភ្នំភ្លើងទៅលើអាកាសដែលអាចបង្កឲ្យមានគ្រោះថ្នាក់ដល់មនុស្ស។ នេះបើយោងតាមការចេញផ្សាយរបស់ទីភ្នាក់ងារភ្នំភ្លើងរបស់ប្រទេសឥណ្ដូនេស៊ីបានអះអាងនៅថ្ងៃពុធនេះ។

ការផ្ទុះភ្នំភ្លើងនៅលើកោះ Ruang ដែលមានចម្ងាយប្រហែល ១០០ គីឡូម៉ែត្រពីទីរួមខេត្ត Manado បានផ្ទុះច្រើនជាច្រើនដង ដោយបានបណ្តាលឲ្យអាជ្ញាធររបស់ប្រទេសឥណ្ឌូនេស៊ី បានធ្វើការប្រកាសអាសន្នដល់ប្រជាជនឲ្យមានការប្រុងប្រយ័ត្នក្នុងកម្រិតខ្ពស់បំផុតទីពីររបស់ខ្លួន បន្ទាប់ពីសកម្មភាពនៃផ្ទុះភ្នំភ្លើងបានកើនឡើង។ ចំពោះការផ្ទុះភ្នំភ្លើងនេះ គឺជាការបង្កឡើងដោយការរញ្ជួយដីនាពេលថ្មីៗនេះ នៅលើកោះ Ruang ដោយភ្នំនេះបានបញ្ចេញផ្សែងដ៏គ្រោះថ្នាក់ និងផេះទៅកាន់បរិយាកាស ដែលមានកម្ពស់រហូតដល់ ១,៨ គីឡូម៉ែត្រ។

គួរបញ្ជាក់ថា កោះ Ruang គឺជាកោះដែលមានផ្ទះរបស់ប្រជាពលរដ្ឋរស់នៅប្រហែល ៨៣៨គ្រួសារ ដោយមានបញ្ហាផ្ទុះភ្នំភ្លើងកើតឡើង អាជ្ញាធរនៅក្នុងតំបន់បានជម្លៀសទៅកាន់កោះ Tagulandang ដែលជាតំបន់ដែលសុវត្តិភាពបណ្តោះអាសន្ន៕