![](https://cdn.cc-times.com/kh.cc-times.com/media/47058/large/661d8d0405a95.image.jpg?1713322344)
អាម៉េរិក៖ ក្រុមហ៊ុន Tesla កំពុងបញ្ឈប់បុគ្គលិក "ច្រើនជាង ១០ ភាគរយ" ឬប្រហែល ១៤,០០០ នាក់នៃចំនួនបុគ្គលិកសរុបនៅទូទាំងពិភពលោកការបញ្ឈប់នេះគឺដើម្បីកាត់បន្ថយការចំណាយ និងបង្កើនផលិតភាពនៃសង្វាក់ផលិតកម្មក្រុមហ៊ុន។
យោងតាមកាសែត Bloomberg News បានអះអាងថាលោក Elon Musk កំពុងធ្វើការកំណែទម្រង់ក្រុមហ៊ុនរបស់ខ្លួនថ្មីដោយព្យាយាមកាត់បន្ថយការចំណាយមួយចំនួនដែលពុំទទួលបានសារប្រយោជន៍គ្រប់គ្រាន់សម្រាប់ពង្រឹងក្រុមហ៊ុនរបស់ខ្លួន។ កាសែតដដែលក៏បានរាយការណ៍ថា Elon Musk គ្រោង ការកាត់បន្ថយចំនួនពលកម្ម១០ភាគរយនេះនិងអាចឲ្យក្រុមហ៊ុនបង្វែលថវិការដែលជួលបុគ្គលិកទាំងនោះដើម្បីពង្រីងអាជីវកម្មក៏ដូចជារោងចក្ររបស់ខ្លួនបន្ថែមទៀតទៅកាន់ក្រៅប្រទេស។
![](https://cdn.cc-times.com/kh.cc-times.com/media/47059/large/20240416e4cdbaea3b57484b92f3f441.jpg?1713322368)
គួរបញ្ជាក់ថាការដឹកជញ្ជូនរថយន្តរបស់ក្រុមហ៊ុន TESLA នៅក្នុងត្រីមាសទីមួយនៃឆ្នាំនេះបានថយចុះ ៨.៥ ភាគរយពីមួយឆ្នាំទៅមួយឆ្នាំមកត្រឹមប្រមាណ ៣៨៦,៨០០ គ្រឿង។ នេះជាការធ្លាក់ចុះដំបូងសម្រាប់ Tesla ក្នុងរយៈពេលជិតបួនឆ្នាំ ហើយក៏ស្ថិតក្រោមការរំពឹងទុករបស់ទីផ្សារផងដែរ។ លោក Elon Musk ឲ្យដឹងផងដែលថាអត្រាកំណើនរបស់ក្រុមហ៊ុន Tesla ក្នុងឆ្នាំ ២០២៤ អាចនឹងទាបជាងឆ្នាំ ២០២៣ យ៉ាងខ្លាំង៕
![](https://cdn.cc-times.com/kh.cc-times.com/media/47060/large/615365-tesla-congedie-plus-de-10.jpg?1713322397)