កំពង់ធំ៖រដ្ឋបាលខេត្តកំពង់ធំ នៅថ្ងៃទី ៦ មេសានេះ បានសម្តែងការសោកស្តាយជាខ្លាំង ក្រោយពីមានបណ្តាញសង្គមមួយចំនួន បានបង្ហោះរូបភាព និង ខ្លឹមសារ ពាក់ព័ន្ធជាមួយការដោតទង់ជាតិរបស់ប្រទេសវៀតណាម ក្នុងពិធីទទួលគណៈប្រតិភូប្រទេសវៀតណាម នៅតំបន់មេបញ្ជាការប្រតិបត្តការសឹករងរបស់កម្ពុជា។
យោងតាមសេចក្តីប្រកាសរបស់រដ្ឋបាលខេត្ត បានពន្យល់សាធារណជនជាតិ ការបង្ហោះរូបភាព និងខ្លឹមសារ ដែលមិនមានព័ត៌មានគ្រប់ជ្រុងជ្រោយ។មិនគ្រប់ដោយសារថា សកម្មភាពក្នងរូបភាពខាងក្រោម គឺកងទ័ពវៀតណាម នៃរាជធានីហូជីមិញ បានដឹកនាំប្រតិភូ មកសាកសួរសុខទុក្ខ និង ជូនពរពិធីបុណ្យចូលឆ្នាំប្រពៃណីជាតិខ្មែរ ព្រោះជាសម្ពន្ឋ័មិត្តនឹងគ្នា ដែលទំលាប់នេះ បានអនុវត្តជារៀងរាល់ឆ្នាំ។
បើតាមរដ្ឋបាលខេត្ត ជាទូទៅឱ្យតែដល់ឱកាសបុណ្យចូលឆ្នាំប្រពៃណីជាតិនីមួយៗ មិនថា តែចូលឆ្នាំខ្មែរ ឬចូលឆ្នាំវៀតណាមទេ ថ្នាក់ដឹកនាំនៃប្រទេសទាំងពីរប្រចាំតំបន់តែងតែទៅសាកសួរសុខទុក្ខ និង ជូនពរ គ្នាទៅវិញទៅមកក្នុងនាមអ្នកជិតខាងល្អ និង កិច្ចសហប្រតិបត្តិការច្បាប់នៃប្រទេសទាំងពីរ៕
.png?1714704549)
