ចិននាំចេញ«ស្ករស»តាមរយៈរថភ្លើងល្បឿនលឿន

ចិន៖ តំបន់ស្វយ័ត ក្វាងស៊ី ភាគខាងត្បូងប្រទេសចិន ដែលជាតំបន់ផលិតស្ករនាំមុខគេរបស់ប្រទេសនេះ នាសប្តាហ៍នេះបានបើកដំណើរការដឹកជញ្ជួនស្ករសតាមរយៈរថភ្លើងល្បឿនលឿនអន្តរសមុទ្រសម្រាប់ការដឹកជញ្ជូនស្ករនៅលើផ្លូវដឹកជញ្ជូនផ្លូវដែកឈូងសមុទ្រ Laibin ទៅតំបន់ Beibu ។រថភ្លើងទីមួយបានចេញដំណើរពីមូលដ្ឋានផ្គត់ផ្គង់ស្ករសំខាន់នៃតំបន់ Laibin ទៅកាន់កំពង់ផែឈូងសមុទ្រ Beibu ដែលមានចម្ងាយប្រហែល ៥០០ គីឡូម៉ែត្រសម្រាប់ការដឹកជញ្ជូនតាមសមុទ្រទៅកាន់ទីផ្សារក្រៅប្រទេស។

នៅក្នុងទម្រង់នៃការដឹកជញ្ជូន ការដឹកជញ្ជូនស្ករសដំបូងដែលដឹកដោយរថភ្លើងល្បឿនលឿន intermodal ផ្លូវដែក ទៅកាន់ទីក្រុង Rizhao នៃខេត្ត Shandong និងទីក្រុង Ningbo នៃតំបន់ Zhejiang នៅភាគខាងកើតប្រទេសចិន និងកន្លែងផ្សេងទៀតក្នុងប្រទេស។

ក្រុមហ៊ុន Beibu Gulf Port Group បានអះអាងថាការដាក់ឱ្យដំណើរការរថភ្លើងល្បឿនលឿន intermodal ផ្លូវដែកសម្រាប់ការដឹកជញ្ជូនស្ករទៅកាន់កំពង់ផែនៅឈូងសមុទ្រ Beibu និងតំបន់មួយចំនួនទៀតគឺជាជំហានឆ្ពោះទៅមុខដ៏សំខាន់សម្រាប់ឧស្សាហកម្មស្កររបស់ខេត្តក្វាងស៊ី ដែលវានឹងផ្តល់ការងារដល់មនុស្សជាង ២០ លាននាក់ក្នុងវិស័យកសិកម្ម និងផលិតកម្មអំពៅ។ ក្រុមហ៊ុន Beibu បន្តទៀតថា ចាប់ពីថ្ងៃទី ១ ខែមករា ដល់ថ្ងៃទី ៣១ ខែមីនា ស្ករសរុបចំនួន ១,៧១៧ ឯកតាស្មើនឹង ២០ ហ្វីតត្រូវបានដឹកជញ្ជូនពីក្វាងស៊ីតាមច្រករបៀងសមុទ្រភាគខាងលិចថ្មី ដែលជាការកើនឡើងយ៉ាងខ្លាំង ៥៣ ភាគរយធៀបនឹងរយៈពេលដូចគ្នានៃឆ្នាំមុន។

គួរបញ្ជាក់ថាផ្លូវដែករថភ្លើងល្បឿនលឿនចិនមានទីតាំងជាយុទ្ធសាស្ត្រនៅតំបន់ភាគខាងលិច ច្រករបៀងដី-សមុទ្រភាគខាងលិចថ្មី ភ្ជាប់ខ្សែក្រវាត់សេដ្ឋកិច្ចផ្លូវសូត្រ និងខ្សែក្រវ៉ាត់សេដ្ឋកិច្ចទន្លេយ៉ង់សេ។ ច្រករបៀងនេះដើរតួនាទីជាយុទ្ធសាស្ត្រយ៉ាងសំខាន់ក្នុងការជំរុញការអភិវឌ្ឍន៍តំបន់ដែលកំពុងមានសក្តានុពលជាខ្លាំង៕