តុលាការកំពូលថៃពិនិត្យសំណើរ«រំលាយបក្សឆ្ពោះទៅមុខ»

បាងកក៖ តុលាការកំពូលធម្មនុញ្ញរបស់ប្រទេសថៃបានយល់ព្រមបើកសវនាការលើសំណុំរឿងក្នុងការរំលាយគណបក្សឆ្ពោះទៅមុខ។ការពិនិត្យសំណើរនេះធ្វើឡើងបន្ទាប់ពីបក្សឆ្ពោះទៅមុខ Move Forward Party បដិសេធជាមួយនិងតុលាការថៃក្នុងការធ្វើកំណែគោលនយោបាយបក្សខ្លួនពីបទប្រមាថព្រះមហាក្សត្រថៃ។

កាលពីខែមុន គណៈកម្មាធិការរៀបចំការបោះឆ្នោត (EC) បានយល់ព្រម "ជាឯកច្ឆ័ន្ទ" ដើម្បីដាក់ញត្តិទៅតុលាការធម្មនុញ្ញឱ្យរំលាយបក្សឆ្ពោះទៅមុខជុំវិញការខកខានសន្យាយុទ្ធនាការរបស់គណបក្សដើម្បីធ្វើកំណែទម្រង់ច្បាប់ប្រមាថព្រះមហាក្សត្រ។នៅក្នុងសេចក្តីថ្លែងការណ៍មួយ តុលាការធម្មនុញ្ញបានអះអាងថាខ្លួនទទួលយកសំណើសម្រាប់សេចក្តីសម្រេចក្នុងការពិនិត្យច្បាប់នៃការរំលាយបក្សឆ្ពោះទៅមុខ៕