វៀតណាម៖ ប្រធានាធិបតីវៀតណាមលោក វ៉ូវ៉ាន់ធឿង បានលាលែងពីតំណែងបន្ទាប់ពីរូបលោកបានប្រព្រឹត្តបទល្មើសមួយចំនួនដូចជា "ការរំលោភបំពាន" ច្បាប់បក្សកុម្មុយនីស្តវៀតណាមមួយចំនួន។ ការប្រកាសលាលែងពីតំណែងរបស់លោកនេះធ្វើឡើង បន្ទាប់ពីបានកាន់តំណែងត្រឹមតែមួយឆ្នាំប៉ុណ្ណោះដោយលោកបន្តតំណែងពីប្រធានាធិបតីមុនគឺលោកង្វៀន សួនហ្វ៊ុក ដែលបានលាលែងពីតំណែងជុំវិញមានបញ្ហាជាមួយច្បាប់របស់កុម្មុយនីស្តវៀតណាមស្រដៀងលោក វ៉ូវ៉ាន់ធឿង ដែរ។
គណបក្សកុម្មុយនិស្តបានទទួលយកការលាលែងពីតំណែងរបស់ វ៉ូវ៉ាន់ធឿង ហើយបានអះអាងថាលោកបានបំពានច្បាប់ "របស់បក្សកុម្មុយនីស្តវៀតណាម" ដោយការការរំលោភបំពានរបស់លោក វ៉ូវ៉ាន់ធឿង បានប៉ះពាល់ដល់មតិសាធារណៈ និងកេរ្តិ៍ឈ្មោះរបស់គណបក្ស និងរដ្ឋ ប៉ុន្តែវៀតណាមមិនបានផ្តល់ព័ត៌មានលម្អិតទេថាតើលោកខុសច្បាប់ប្រភេទណានោះទេ។
លោក វ៉ូវ៉ាន់ធឿង ដែលមានវ័យ ៥៣ ឆ្នាំត្រូវបានតែងតាំងជាប្រធានាធិបតីវៀតណាមកាលពីខែមីនាឆ្នាំមុន។ អ្នកស្នងតំណែងមុនរបស់លោក វ៉ូវ៉ាន់ធឿង ជាអតីតប្រធានាធិបតីគឺលោក Nguyen Xuan Phuc បានលាលែងពីតំណែងនៅខែមករា ឆ្នាំ ២០២៣ ។ វិនិយោគិនបានកំពុងភ័យព្រួយនៅពេលដែលការបង្ក្រាបអំពើពុករលួយអូសបន្លាយនិងពង្រីកអាជីវកម្មឯកជនដែលប៉ះពាល់ដល់ការអនុម័តគម្រោងនិងអាជ្ញាប័ណ្ណរបស់រដ្ឋាភិបាល។ លោក វ៉ូវ៉ាន់ធឿង គឺជាប្រធានាធិបតីវៀតណាមទីពីរដែលបានលាលែងពីតំណែងក្នុងរយៈពេល ១៤ ក្នុងតំណែងជាប្រធានាធិបតីវៀតណាម ការលាលែងរបស់លោកនេះចំពេលមានការបង្ក្រាបអំពើពុករលួយក្នុងប្រទេសដែលមានការចាប់ខ្លួនមន្ត្រីរដ្ឋាភិបាលរាប់រយនាក់ និងការលាលែងពីតំណែងរបស់អ្នកនយោបាយជាន់ខ្ពស់វៀតណាមផ្ទួនៗគ្នា។
ក្នុងខែនេះ ការកាត់ក្តីបានចាប់ផ្តើមលើមហាសេដ្ឋីអចលនទ្រព្យវៀតណាមលោកស្រី Truong My Lan ដែលត្រូវបានចោទប្រកាន់ពីបទកេងបន្លំប្រាក់ចំនួន ១២ ពាន់លានដុល្លារពីធនាគារមួយ។ ជាផ្នែកមួយនៃសំណុំរឿងនេះ ព្រះរាជអាជ្ញាក៏បានចោទប្រកាន់មន្ត្រីរដ្ឋាភិបាល និងធនាគារកណ្តាលមួយចំនួនផងដែរ ពីបទជួយបិទបាំងការក្លែងបន្លំ៕
