![](https://cdn.cc-times.com/kh.cc-times.com/media/43997/large/1920x1080.00_01_44_03.Still005.jpg?1707295947)
ចិន៖ តូបលក់ទំនិញប្រមាណជាង ៥០០ តូប ត្រូវបានប្រទេសចិនដាក់តាំងពិព័រណ៍ដោយមានទាំងការលក់សម្ភារៈជាច្រើនប្រទេសចិនត្រៀមសម្រាប់ការស្វាគមន៍ពិធីបុណ្យចូលឆ្នាំចិនដែលនិងចូលមកដល់នាពេលខាងមុខនេះ។ តូបលក់សម្ភារៈជាច្រើនក្នុងក្រុងឆាងឈុនកំពុងតែដាក់តំរៀបគ្នាលក់សម្ភារះលំអ ចំណីអាហារ និងរបស់របរប្រើប្រាស់ជាច្រើនទៀត ប្រជាពលរដ្ឋក្នុងក្រុងឆាងឈុនបាននាំគ្នារីករាយជាមួយការលក់បញ្ចុះតម្លៃអីវ៉ាន់ជាច្រើនក្នុងឪកាសពិធីបុណ្យចូលឆ្នាំចិនខាងមុខនេះ។
![](https://cdn.cc-times.com/kh.cc-times.com/media/43999/large/1920x1080.00_00_41_07.Still003.jpg?1707295981)
ក្រៅពីការដាក់លក់ទំនិញ និងសម្ភារៈប្រើប្រាស់ក៏មានការសម្តែងបែបប្រពៃណីចម្រៀង របាំ ល្ខោនជាច្រើនប្រភេទទៀតថែមទៀតផង។អាជីវករភាគច្រើនជាអ្នកភូមិក្នុងស្រុក លក់កសិផលក្នុងស្រុក រួមទាំងអាហារសម្រន់បែបប្រពៃណី អាហារឆ្អិន និងបន្លែផ្លែឈើស្រស់។ ក្រៅពីការលក់ផ្ទាល់នៅតូបអាជីវករផ្សេងៗទៀតក៏មានការ Live លក់ផលិតផលរបស់ខ្លួនទៅកាន់បណ្តាញផ្សព្វផ្សាយរបស់ចិនផងដែរ ការតាំងពិព័រណ៍ Zaohua Daji បានវិវត្តន៍ពីតូបលក់ដូរតាមដងផ្លូវតូចមួយកាលពីជិត ១០០ ឆ្នាំមុន ទៅជាផ្សារប្រជាប្រិយទំហំ ៥០,០០០ ម៉ែត្រការ៉េ ដែលមានតូបជាង ៦០០។
![](https://cdn.cc-times.com/kh.cc-times.com/media/43998/large/1920x1080.00_00_03_13.Still002.jpg?1707295978)
ក្នុងនោះក៏មានការពិព័រណ៍ Xizhuang នៅទីក្រុង Hancheng ខេត្ត Shaanxi ភាគពាយ័ព្យប្រទេសចិន បានបើកជាមួយនឹងការសម្តែងស្គរ និងគងដ៏ធំ ដោយមានអ្នកសំដែងជិត ៥០០ នាក់ និងមានអ្នកទស្សនាជាង ៣០,០០០ នាក់។ បុណ្យចូលឆ្នាំចិនត្រូវនឹងចាប់ផ្តើមពីថ្ងៃទី ១០ ខែកុម្ភៈឆ្នាំនេះ រហូតដល់ថ្ងៃទី ១៧ ខែកុម្ភៈ៕
![](https://cdn.cc-times.com/kh.cc-times.com/media/44000/large/1920x1080.00_01_26_00.Still006.jpg?1707295993)
![](https://cdn.cc-times.com/kh.cc-times.com/media/44001/large/1920x1080.00_00_54_18.Still004.jpg?1707295996)