![](https://cdn.cc-times.com/kh.cc-times.com/media/43741/large/photo_2024-02-02_11-46-16.jpg?1706849184)
ភ្នំពេញ៖ ក្រុមឥសីវ៉ូលេ សហការជាមួយនឹងកម្មវិធីកិត្តិសព្ទកម្ពុជា និងគាំទ្រដោយ សហភាពសហព័ន្ធយុវជនកម្ពុជា កំពុងធ្វើការជ្រើសរើសយុវជនដែលមានអាយុចន្លោះ ១៨ ដល់ ៣៥ ឆ្នាំដើម្បីចូលរួមបណ្តុះបណ្តាលល្ខោននិយាយលើឆាក។
![](https://cdn.cc-times.com/kh.cc-times.com/media/43752/large/320614044_891690181853179_7878090112969111454_n.jpg?1706849802)
បើតាមឆាណែតតេលេក្រាមនៃ សហភាពសហព័ន្ធយុវជនកម្ពុជា រាជធានីភ្នំពេញ បានឱ្យដឹងថា ក្រុមឥសីវ៉ូលេ បានបង្កើតកម្មវិធីបណ្តុះបណ្តាលនេះឡើងក្នុងគោលបំណងដើម្បីផ្តល់ឱកាសដល់យុវជន បានឈ្វេងយល់ពីមូលដ្ឋានគ្រឹះនៃការសម្តែងល្ខោននិយាយ ដើម្បីអាចពង្រឹងសមត្ថភាពបន្ថែមទៀត ដែលអាចចូលរួមចំណែកក្នុងការបណ្តុះធនធានសិល្បករ ផ្នែកសម្តែងល្ខោន ប្រកបដោយក្រមសីលធម៌ដោយឈរលើមូលដ្ឋានចំណេះជំនាញ។ បន្ថែមពីនេះ ការធ្វើបែបនេះ គឺក្នុងគោលបំណងក្នុងការបណ្តុះស្មារតីនៃការស្រឡាញ់វប្បធម៌ដូនតា ដែលជាដួងព្រលឹងជាតិ។
![](https://cdn.cc-times.com/kh.cc-times.com/media/43753/large/313864117_5559797667421998_9123420678963266722_n.jpg?1706849835)
គួរបញ្ជាក់ផងដែរថា ដើម្បីអាចចូលរួមវគ្គបណ្តុះបណ្តាលនេះបាន បេក្ខជនត្រូវមានអាយុចន្លោះ ១៨ ទៅ ៣៥ ឆ្នាំ ដែលមានការប្រកាន់ខ្ជាប់សីលធម៌ខ្ពស់ សុជីវធម៌ និងគោរពតាមលក្ខខណ្ឌនៃកម្មវិធី សាកសម្តែង ។ ឯកសារដែលត្រូវមាន គឺ ប្រវត្តិរូបសង្ខេប និងភ្ជាប់មកនូវសំណេរអំពី តួនាទីរបស់យុវជន និងវប្បធម៌ ប្រមាណ ២ ទំព័រផងដែរ។
![](https://cdn.cc-times.com/kh.cc-times.com/media/43754/large/315267566_5549918691743229_6148933918355458998_n.jpg?1706849846)
ប្រសិនបើយុវជនមានចំណាប់អារម្មណ៍ អាចធ្វើការចុះឈ្មោះឱ្យបានមុនថ្ងៃ ១៥ កុម្ភៈ ឆ្នាំ២០២៤ វេលាម៉ោង ៩ យប់ ដោយធ្វើការផ្ញើឯកសារទៅកាន់តេលេក្រាម https://t.me/rith_069 ឬ ចូលទៅកាន់តំណភ្ជាប់ https://forms.gle/ZcxnN5XLysg2YQJ67 ។ សម្រាប់ព័ត៌មានបន្ថែម អាចទំនាក់ទំនងទៅកាន់ 069 25 35 45។
![](https://cdn.cc-times.com/kh.cc-times.com/media/43750/large/305986616_5385485664853200_1011770107288864931_n.jpg?1706849732)
កម្មវិធីនេះត្រូវបានប្រព្រឹត្តឡើងជាលើកទី៤ ហើយ ដោយក្រុមឥសីវ៉ូលេ ការជាមួយកម្មវិធីកិត្តិសព្ទកម្ពុជា និងទទួលបានការគាំទ្រពីសហភាពសហព័ន្ធយុវជនកម្ពុជា រាជធានីភ្នំពេញ បានរៀបចំនូវកម្មវិធី «សាកសម្ដែង» សម្រាប់យុវជន សិស្សនិស្សិត ដែលចាប់អារម្មណ៍ចង់ស្វែងយល់ពីមូលដ្ឋានគ្រឹះក្នុងការសម្ដែងទម្រង់សិល្បៈល្ខោននិយាយ៕
![](https://cdn.cc-times.com/kh.cc-times.com/media/43751/large/320694213_574585451171372_1621031582174607363_n.jpg?1706849741)
![](https://cdn.cc-times.com/kh.cc-times.com/media/43755/large/315843762_5565877010147397_6960630706883486614_n.jpg?1706849868)