មីយ៉ាន់ម៉ា៖ ប៉ូលិសមីយ៉ាន់ម៉ាកាលពីថ្ងៃអង្គារបានប្រគល់មេឧក្រិដ្ឋជនសំខាន់ៗចំនួនប្រាំមួយនាក់នៃក្រុមអ្នកចាប់ជំរិតធំៗ និងជនសង្ស័យឧក្រិដ្ឋជនសំខាន់ៗចំនួនបួននាក់ទៀតទៅប្រទេសចិនវិញ។ មេឧក្រិដ្ឋជនទាំង ១០ នាក់ត្រូវបានអមដោយមន្ត្រីប៉ូលីសចិនត្រឡប់ទៅប្រទេសចិនវិញតាមរយៈជើងហោះហើរមួយបានចុះចតនៅទីក្រុង Kunming កាលពីល្ងាចថ្ងៃអង្គារ ក្រុមប៉ូលិសសម្ងាត់ចិនបានអះអាងថានេះគឺជាសមិទ្ធិផលដ៏សំខាន់មួយទៀតនៃកិច្ចសហប្រតិបត្តិការប៉ូលីសចិន និងមីយ៉ាន់ម៉ាក្នុងការអនុវត្តច្បាប់ក្នុងការចាប់មេឧក្រិដ្ឋជនធំៗដែលកំពុងរកស៊ីថ្នាំញៀន និងជួយដូរមនុស្ស។
ប្រទេសចិនបានអះអាងថានេះគឺការប្តេជ្ញាចិត្ត និងឆន្ទៈដ៏មុតមាំរបស់ប្រទេសទាំងពីរក្នុងការរួមគ្នាប្រយុទ្ធប្រឆាំងនឹងឧក្រិដ្ឋកម្មបោកប្រាស់ឆ្លងដែន ហើយធ្វើការរួមគ្នាដើម្បីរក្សាសន្តិសុខ និងស្ថិរភាពក្នុងប្រទេសទាំងពីរ។មន្រ្តីប៉ូលិសចិនបានឲ្យដឹងថា តាំងពីយូរយារណាស់មកហើយ ក្រុមឧក្រិដ្ឋជនជាច្រើននៅក្នុងតំបន់ Kokang ភាគខាងជើងប្រទេសមីយ៉ាន់ម៉ា បានរៀបចំដោយបើកចំហនូវក្រុមអ្នកជួយដូរប្រដាប់អាវុធ និងប្រព្រឹត្តបទឧក្រិដ្ឋបោកប្រាស់តាម Online និងការជួយដូរមនុស្ស ដោយក្រុមឧក្រិដ្ឋជនច្រើនប្រើឧក្រិដ្ឋកម្មហិង្សា និងធ្ងន់ធ្ងរដូចជាមនុស្សឃាតដោយចេតនា របួសដោយចេតនា និងការឃុំខ្លួនមនុស្សដោយខុសច្បាប់។
កាលពីថ្ងៃទី ១០ ខែធ្នូ ឆ្នាំ ២០២៣ ប៉ូលីសចិនបានប្រកាសជូនចេញរង្វាន់ជាសាធារណៈសម្រាប់អ្នកដែលបានបញ្ចូនព័ត៌មានអំពីទីតាំងមេដឹកនាំទាំង ១០ រូបនៃក្រុមឧក្រិដ្ឋជនបោកប្រាស់ Online នៅក្នុងតំបន់ Kokang ហើយបានបញ្ជូនក្រុមការងារទៅប្រទេសមីយ៉ាន់ម៉ាដើម្បីធ្វើការស៊ើបនិងចាប់ខ្លួន៕
