វៀតណាម៖ ឃាតករសម្លាប់មនុស្ស និងជាអ្នករត់ពន្ធគ្រឿងញៀនដ៏ធំក្នុងប្រទេសវៀតណាមដែលបានរត់គេចខ្លួនសំងំក្នុងព្រៃអស់ជាង ២ ឆ្នាំត្រូវបានក្រុមប៉ូលីសពិសេសវៀតណាមតាមប្រមាញ់ចាប់ខ្លួនបានដល់ក្នុងព្រៃដែលឃាតករកំពុងតែសំងំលាក់ខ្លួន។ លោកង្វៀន ហុងសឺន អាយុ ៤១ ឆ្នាំ ត្រូវបានប៉ូលីសនៅទីក្រុង Ha Tinh ឃាត់ខ្លួនកាលពីថ្ងៃចន្ទ ដើម្បីស៊ើបអង្កេតបន្ថែមពីបទមនុស្សឃាត និងជួញដូរគ្រឿងញៀនខុសច្បាប់។ កាលពីថ្ងទី 1១៥ ខែឧសភា ឆ្នាំ ២០២២ លោក ហុងសឺន រួមជាមួយនឹងជងរងគ្រោះវ័យ ៤២ ឆ្នាំម្នាក់ឈ្មោះ Huong ដែលជាមន្ត្រីអនុរក្សព្រៃឈើបានជប់លៀងផឹកស៊ីនៅក្នុងរោងមួយក្នុងឧទ្យានជាតិ Vu Quang ក្នុងប្រទេសវៀតណាម។ បន្ទាប់ពីផឹកស៊ីមួយសន្ទុះក៏បានផ្ទុះជាជម្លោះបានកើតឡើងក្នុងវង់ ហើយឃាតករបានកាប់ជនរងគ្រោះជាច្រើនកាំបិតរហូតដល់បាត់បង់ជីវិត។
ក្រោយពីប្រព្រឹត្តបទល្មើស ឃាតករបានទុកកាំបិតនៅកន្លែងកើតហេតុ ហើយលាក់ខ្លួនក្នុងព្រៃ និងជ្រកចូលក្នុងរោងចោលក្បែរព្រំដែនឡាវ ។ ប៉ុន្មានខែក្រោយមកលោក ហុងសឺន បានឃុបឃិតជាមួយឧក្រិដ្ឋជនទាំងក្នុង និងក្រៅប្រទេសវៀតណាម ហើយបានចូលរួមជាមួយក្រុមជួញដូរគ្រឿងញៀន។ នៅដើមខែមករា ប៉ូលីស Ha Tinh បានកំណត់ថាលោក ហុងសឺន កំពុងដឹកថ្នាំញៀនយ៉ាងច្រើនទៅកាន់កន្លែងបោះបង់ចោលមួយក្នុងឧទ្យានជាតិ Vu Quang ដើម្បីប្រតិបត្តិការជួយដូរទ្រង់ទ្រាយធំ។ ប៉ូលីសវៀតណាមបានធ្វើការចូលឆ្មក់កន្លែងដែលលោក ហុងសឺន កំពុងលាក់ខ្លួននិងបានរឹបអូសបានថ្នាំញៀនជាង ២៥,០០០ គ្រាប់ កាំភ្លើងមួយដើម និងគ្រាប់ ៤៦ គ្រាប់ រួមនឹងអាវុធ និងជាតិផ្ទុះជាច្រើនទៀត បច្ចុប្បន្នមេគ្រឿងញៀន និងជាអតីតឃាតកររូបនេះត្រូវបានប៉ូលីសវៀតណាមឃាត់ខ្លួន និងបើកការស៊ើបអង្កេតបន្ត៕
