រុស្សី៖ កងកម្លាំងរុស្សីកាលពីថ្ងៃពុធបានអះអាងថាខ្លួនបានបំផ្លាញឃ្លាំងអាវុធរបស់អ៊ុយក្រែន ខណៈអ៊ុយក្រែនចោទថាខ្លួនបានបាញ់ទម្លាក់មីស៊ីលរុស្សីអស់ជាច្រើនគ្រឿងនិងផ្តាច់ជីវិតទាហានរុស្សីអស់ជាច្រើននាក់។ក្រសួងការពារជាតិរុស្ស៊ីបានចេញផ្សាយរបាយការណ៍សង្រ្គាមកាលពីថ្ងៃពុធដោយបញ្ជាក់ថា កងកម្លាំងរុស្សីបានវាយលុកដោយជោគជ័យនូវការវាយលុករបស់អ៊ុយក្រែនពីទិសដៅជាច្រើន និងបានបើកការវាយលុកដែលបណ្តាលឱ្យមានការបំផ្លិចបំផ្លាញរថក្រោះអ៊ុយក្រែន រថពាសដែក កាំភ្លើងធំ និងឧបករណ៍យោធាផ្សេងៗទៀតជាច្រើនរបស់អ៊ុយក្រែន។
កងកម្លាំងរុស្សីបន្ថែមទៀតថាឃ្លាំងអាវុធរបស់អ៊ុយក្រែនមួយ និងរោងចក្រដំឡើងយន្តហោះគ្មានមនុស្សបើកពីរកន្លែងក៏ត្រូវបានបំផ្លាញផងដែរ។ ដោយក្នុងនោះកងកម្លាំងប្រឆាំងយន្តហោះរុស្សី បានបាញ់ទម្លាក់យន្តហោះគ្មានមនុស្សបើករបស់អ៊ុយក្រែនចំនួន ៣៤គ្រឿង និងស្ទាក់ចាប់មីស៊ីលចំនួន ៣ គ្រឿង។
នៅថ្ងៃដដែលនោះ អគ្គសេនាធិការនៃកងកម្លាំងប្រដាប់អាវុធអ៊ុយក្រែនក៏បានចេញរបាយការណ៍មួយដោយអះអាងថា ការប្រយុទ្ធចំនួន ៤២ បានកើតឡើងនៅក្នុងតំបន់ជួរមុខក្នុងរយៈពេល ២៤ ម៉ោងកន្លងមក។ អង្គភាពទ័ពអាកាស និងកាំភ្លើងធំរបស់អ៊ុយក្រែន បានកំណត់គោលដៅប្រមូលផ្តុំ យោធារុស្សី អាវុធ និងមជ្ឈមណ្ឌលបញ្ជា ដោយបាន បំផ្លាញឃ្លាំងគ្រាប់រំសេវ និងបន្ទាយរុស្សីមួយចំនួនធំថែមទៀតផង៕
