វៀតណាម៖ យោងតាមក្រសួងការបរទេសវៀតណាមបានឱ្យដឹងថា ប្រទេសវៀតណាមបានដាក់ការសន្យាអន្តរជាតិបង្ហាញពីការប្តេជ្ញាចិត្តឥតឈប់ឈររបស់ខ្លួនដើម្បីការពារ និងលើកកម្ពស់សិទ្ធិមនុស្សក្នុងប្រទេស។ ក្នុងឱកាសខួបលើកទី ៧៥ នៃសេចក្តីប្រកាសជាសកលស្តីពីការអនុម័តច្បាប់ដើមរបស់សិទ្ធិមនុស្សនៅទីក្រុងហ្សឺណែវ ប្រទេសស្វីស វៀតណាម និងប្រទេសដទៃទៀតបានអះអាងការប្តេជ្ញាចិត្តរបស់ខ្លួនក្នុងការប្រតិបត្តិតាមសេចក្តីប្រកាសតាមរយៈការសន្យាអន្តរជាតិ។ នេះបើតាមការអះអាងពីអ្នកនាំពាក្យក្រសួងការបរទេសវៀតណាមលោកស្រី Pham លោក Thu Hang បាននិយាយនៅក្នុងសន្និសីទសារព័ត៌មានកាលពីថ្ងៃព្រហស្បតិ៍។
លោកស្រី Hang បានបដិសេធច្រានចោលការចុះផ្សាយថាវៀតណាមនិងសម្រេចឲ្យបាននូវគោលដៅក្នុងការលើកកម្ពស់សិទ្ធមនុស្សក្នុងប្រទេសឲ្យបានក្នងឆ្នាំ ២០៩៩ លោកស្រីចាត់ទុកព័ត៌មាននោះជាព័ត៌មានយល់ច្រឡំហើយស្នើឲ្យការកែតម្រូវជាបន្ទាន់។ លោកស្រីបន្តថា កំណែចុងក្រោយបំផុតនៃគេហទំព័រឥឡូវនេះបង្ហាញពីពេលវេលាកំណត់ដែលរំពឹងទុកសម្រាប់ការសម្រេចបាននូវការសន្យាចំនួនប្រាំបីរបស់វៀតណាម រួមទាំងការពង្រឹងរដ្ឋនីតិរដ្ឋជាមួយនឹងការបន្តកំណែទម្រង់ច្បាប់ ការពង្រឹងការអប់រំស្តីពីសិទ្ធិមនុស្សដើម្បីលើកកម្ពស់ការយល់ដឹងជាសាធារណៈ និងសមត្ថភាពរបស់ភ្នាក់ងារអនុវត្តច្បាប់ និង រួមចំណែកយ៉ាងសំខាន់បន្ថែមទៀតដល់កិច្ចសហប្រតិបត្តិការសិទ្ធិមនុស្សអាស៊ាន។ សម្រាប់លោកស្រី Hang ការសន្យារបស់វៀតណាមបង្ហាញពីកិច្ចខិតខំប្រឹងប្រែងឥតឈប់ឈររបស់វៀតណាម ក្នុងការការពារ និងលើកកម្ពស់សិទ្ធិមនុស្ស ដែលស្របតាមគោលនយោបាយរបស់ខ្លួន៕
