កូរ៉េ៖ សភារបស់ប្រទេសកូរ៉េខាងត្បូងបានបោះឆ្នោតហាមឃាត់ការជួញដូរ និងលក់សាច់ឆ្កែ ដែលជាការសម្រេចចិត្តដែលក្រុមអ្នកធ្វើយុទ្ធនាការបានសាទរថាជា "ជ័យជម្នះជាប្រវត្តិសាស្ត្រ" សម្រាប់សុខុមាលភាពសត្វប្រចាំប្រទេសកូរ៉េខាងត្បូង។សភាជាតិរបស់ប្រទេសកូរ៉េខាងត្បូងបានបោះឆ្នោតយ៉ាងលើសលប់ដើម្បីហាមឃាត់ការជួញដូរ ការស៊ីសាច់ ការចែកចាយ និងការលក់សត្វឆ្កែសម្រាប់ធ្វើជាអាជីវកម្ម។
ការហាមប្រាមដែលបានអនុម័តដោយសំឡេងគាំទ្រ ២០៨ និងការអនុប្បវាទចំនួនពីរនឹងត្រូវអនុវត្តនៅឆ្នាំ ២០២៧ បន្ទាប់ពីរយៈពេលអនុគ្រោះរយៈពេលបីឆ្នាំ។ អ្នកបំពាននឹងប្រឈមមុខនឹងការជាប់ពន្ធនាគាររហូតដល់ ៣ ឆ្នាំ ឬពិន័យជាប្រាក់អតិបរមា 30 លានវ៉ុន (២២៧៧$) ។ ច្បាប់នេះរួមបញ្ចូលទាំងកញ្ចប់សំណងមួយចំនួនសងដល់អាជីវកម្មដែលកំពុងតែមានវត្តមានក្នុងប្រទេសកូរ៉េខាងត្បូង។ ទោះបីជាមានការថយចុះនៃអតិថិជនបូរិភោគសាច់ឆ្កែក៏ដោយ ក៏កសិដ្ឋានប្រហែល ១,១៥០នៅតែបន្តចិញ្ចឹមសត្វឆ្កែសម្រាប់ធ្វើជាអាជីវកម្មមុនពេលកំណត់ក្នុងឆ្នាំ ២០២៧។
អ្នកធ្វើយុទ្ធនាការប្រឆាំងការលក់សាច់ឆ្កែក្នុងប្រទេសកូរ៉េខាងត្បូងបានកំណត់គោលដៅឧស្សាហកម្មនេះជាយូរមកហើយថាជាអំពើឃោរឃៅ ដោយសត្វឆ្កែត្រូវបានឆក់ ឬព្យួរកនៅពេលសម្លាប់សម្រាប់ការយកសាច់ធ្វើជាអាហារ៕
