វៀតណាម៖ ក្មេងប្រុសអាយុ ១៥ ឆ្នាំម្នាក់នៅខេត្ត Lam Dong បានជ្រុលដៃផ្តាច់ជីវិតឪពុករបស់ខ្លួនអំឡុងពេលឈ្លោះប្រកែកគ្នា ហើយឃាតករវ័យក្មេងរូបនេះបានដុតសាកសពរបស់ឪពុកខ្លួន ដើម្បីបិទបាំងភស្តុតាង។ ក្មេងប្រុស វ័យ១៥ឆ្នាំរូបនេះមានឈ្មោះថា ង្វៀន ឌិញធី ត្រូវបានអាជ្ញាធរបញ្ជូនខ្លួនទៅកាន់ប៉ូលិសកាលពីថ្ងៃចន្ទ។
យោងតាមការសារភាព នៅថ្ងៃទី២២ ខែធ្នូ រូបគេបានឈ្លោះជាមួយឪពុកអាយុ៥៣ឆ្នាំ នៅផ្ទះ បន្ទាប់ពីមាន ជម្លោះកាន់តែខ្លាំងឡើង រូបគេបានយកឧបករណ៍មួយវាយឪពុករហូតដល់បាត់បង់ជីវិត។ ដោយភ័យស្លន់ស្លោ និងខ្លាចអ្នកដទៃរកឃើញ រូបគេក៏បានដុតសាកសពឪពុកគេចោលដើម្បីលាក់បាំងពីការប្រព្រឹត្តិរបស់ខ្លួន។ អ្នកជិតខាងបាននិយាយថា ឪពុកម្តាយ របស់ឃាតកររូបនេះបានលែងលះគ្នាជាយូរមកហើយ ហើយក្មេងប្រុសនេះរស់នៅជាមួយឪពុករបស់គេ៕
