វៀតណាម៖ វៀតណាមនឹងបញ្ចប់របាយការណ៍សិក្សាពីលទ្ធភាពនៃគម្រោងផ្លូវរថភ្លើងល្បឿនលឿនខាងជើង-ខាងត្បូង ហើយចាប់ផ្តើមការសាងសង់ផ្លូវល្បឿនលឿនចំនួនពីរមុនឆ្នាំ ២០៣០។ ផ្លូវរថភ្លើងល្បឿនលឿនខាងជើង-ខាងត្បូងមានមាត្រដ្ឋានផ្លូវទ្វេរង្វាស់ ១,៤៣៥ មម និងប្រវែងប្រហែល ១,៥៤៥ គីឡូម៉ែត្រ។ នេះបើយោងតាមផែនការមេជាតិសម្រាប់ឆ្នាំ ២០២១-២០៣០ ជាមួយនឹងចក្ខុវិស័យដល់ឆ្នាំ ២០៥០ និងផែនការបណ្តាញផ្លូវដែករបស់វៀតណាមបានចេញផ្សាយ។
នាយករដ្ឋមន្ត្រីវៀតណាម លោក Pham Minh Chinh កាលពីខែកុម្ភៈ បានបង្កើតគណៈកម្មាធិការដឹកនាំគម្រោងផ្លូវរថភ្លើងល្បឿនលឿន ដើម្បីអនុវត្តផែកការរថភ្លើងល្បឿនលឿនទិសខាងជើង-ខាងត្បូង ក្នុងទិសដៅអភិវឌ្ឍន៍ផ្លូវដែករបស់វៀតណាម ដែលតម្រូវឱ្យស្ថាប័នពាក់ព័ន្ធស្រាវជ្រាវ វិភាគ និងវាយតម្លៃ ដើម្បីជ្រើសរើសផែនការវិនិយោគសំណង់ទំនើប។
ក្នុងកិច្ចប្រជុំស្តីពីគម្រោង កាលពីដើមខែនេះ ឧបនាយករដ្ឋមន្ត្រីលោក Tran Hong Ha បានអះអាងថា គម្រោងផ្លូវរថភ្លើងល្បឿនលឿននេះមានសារសំខាន់ណាស់ ក្នុងការរួមចំណែកដល់ការអភិវឌ្ឍន៍សេដ្ឋកិច្ចសង្គម ឧស្សាហូបនីយកម្ម និងទំនើបកម្មរបស់ប្រទេសវៀតណាម។ ហើយផែនការនេះត្រូវតែធានានូវលទ្ធភាព សុវត្ថិភាព ប្រសិទ្ធភាព និងស្របតាមនិន្នាការអភិវឌ្ឍន៍សកលលោក៕
