សិង្ហបុរី៖ កម្មវិធីពិព័រណ៍យុវជនអាស៊ាន ២០២៣ (Sunburst Youth Camp 2023) ត្រូវបានបិទបញ្ចប់ កាលពីថ្ងៃទី០៩ ខែធ្នូ ឆ្នាំ២០២៣។ នៅក្នុងកម្មវិធីបិទបញ្ចប់នេះ ប្រតិភូយុវជនកម្ពុជា ក៏បានបង្ហាញនូវការសម្ដែង ចង្វាក់រាំប្រពៃណីខ្មែរ និងភ្ជាប់ជាមួយក្បាច់គុនល្បុក្កតោ ដែលជាក្បាច់គុនអត្តសញ្ញាណជាតិរបស់កម្ពុជា ត្រូវបានចុះបញ្ជីបេតិកភណ្ឌ សម្បត្តិវប្បធម៌អរូបីនៃមនុស្សជាតិរបស់អង្គការ UNESCO ផងដែរ។
ប្រតិភូយុវជនកម្ពុជា ដែលចូលរួមក្នុងកម្មវិធីពិព័រណ៍យុវជនអាស៊ាន បានដាក់តាំងបង្ហាញនូវវត្ថុអនុស្សាវរីយ៍ ដែលជាស្នាដៃរបស់ប្រជាជនខ្មែរ ការបង្ហាញ និងណែនាំឱ្យស្គាល់អំពីវប្បធម៌ អរិយធម៌ ទំនៀមទម្លាប់ និងសិល្បៈរបស់ខ្មែរ។
លើសពីនេះ នៅកម្មវិធីបិទបញ្ចប់កម្មវិធីពិព័រណ៍យុវជនអាស៊ាន ២០២៣ ប្រតិភូយុវជនកម្ពុជា ក៏បានបង្ហាញនូវការសម្ដែង ចង្វាក់រាំប្រពៃណីខ្មែរ និងភ្ជាប់ជាមួយក្បាច់គុនល្បុក្កតោ ដែលជាក្បាច់គុនអត្តសញ្ញាណជាតិរបស់កម្ពុជា ត្រូវបានចុះបញ្ជីបេតិកភណ្ឌ សម្បត្តិវប្បធម៌អរូបីនៃមនុស្សជាតិរបស់អង្គការ UNESCO ផងដែរ។
គួរបញ្ជាក់ថា កម្មវិធី Sunburnt Youth Camp 2023 គឺជាវេទិកាដ៏សំបូរបែបមួយដែលរៀបចំឡើងសម្រាប់យុវជនមកពីប្រទេសទូទាំងអាស៊ី ដែលនឹងប្រព្រឹត្តទៅរយៈពេលមួយសប្តាហ៍នៅប្រទេសសិង្ហបុរី ដើម្បីឱ្យយុវជនបានជួបជុំគ្នាដើម្បីសិក្សាឈ្វេងយល់ និងផ្សារភ្ជាប់ជាមួយយុវជនដទៃទៀតក្នុងតំបន់, ការប្រាស្រ័យទាក់ទងគ្នាតាមរយៈទំនៀមទម្លាប់ សិល្បៈ ធ្វើឱ្យយុវជនបានឈ្វេងយល់អំពីវប្បធម៌នានាក្នុងតំបន់អាស៊ី, និងបង្កើតទំនាក់ទំនងដ៏យូរអង្វែងជាមួយយុវជនដទៃទៀត៕
