ប៉េកាំង៖ យោធាចិននៅថ្ងៃចន្ទ ទី៤ ខែធ្នូ នេះបានអះអាងថាកប៉ាល់ប្រយុទ្ធរបស់អាម៉េរិកមួយគ្រឿង បានចូលដោយខុសច្បាប់ក្នុងដែនទឹកដែលនៅជាប់នឹងទន្លេ ថូម៉ាស សូល ទីពីរ ដែលជាតំបន់ជម្លោះសមុទ្រចិនខាងត្បូង។អ្នកនាំពាក្យនៃប្រតិបត្តិការចិនបានចាត់ទុកសកម្មភាព "សហរដ្ឋអាម៉េរិកបានធ្វើឱ្យខូចដល់សន្តិភាព និងស្ថិរភាពក្នុងតំបន់យ៉ាងធ្ងន់ធ្ងរ" ។
អ្នកនាំពាក្យដដែលក៏បាននិយាយផងដែរថា សហរដ្ឋអាម៉េរិកមានចេតនារំខានដល់សមុទ្រចិនខាងត្បូង និងបានរំលោភយ៉ាងធ្ងន់ធ្ងរលើអធិបតេយ្យភាពរបស់ចិន។
ក្នុងរយៈពេលប៉ុន្មានខែថ្មីៗនេះប្រទេសទាំងពីរបានប្រឈមមុខដាក់គ្នាជាច្រើនជាមួយនាវាហ្វីលីពីន ហើយក៏បានតវ៉ាផងដែរអំពីនាវាអាម៉េរិកដែលដើរល្បាតនៅតំបន់ជម្លោះ។ ដោយក្នុងនោះកងទ័ពរំដោះប្រជាជនចិនបានរៀបចំកងទ័ពដែនសមុទ្រដើម្បីតាមដាន និងត្រួតពិនិត្យនាវាអាម៉េរិក មន្រ្តីដដែលបន្ថែមទៀតថា"កងទ័ពរបស់ខ្លួនមានការប្រុងប្រយ័ត្នខ្ពស់គ្រប់ពេលវេលាដើម្បីការពារអធិបតេយ្យភាពជាតិយ៉ាងម៉ឺងម៉ាត់"។
គួរបញ្ជាក់ថាកាលពីថ្ងៃអាទិត្យ ឆ្មាំឆ្នេរសមុទ្រហ្វីលីពីនបានដាក់ពង្រាយនាវារបស់ខ្លួនចំនួនពីរនៅក្នុងសមុទ្រចិនខាងត្បូង បន្ទាប់ពីបានត្រួតពិនិត្យការកើនឡើង "គួរឱ្យព្រួយបារម្ភ" នៃចំនួននាវាកងជីវពលដែនសមុទ្រចិននៅឯថ្មប៉ប្រះទឹកនៅក្នុងតំបន់សេដ្ឋកិច្ចផ្តាច់មុខរបស់ប្រទេសចិនផងដែរ៕
