ប៉េកាំង៖ ប្រធានាធិបតីចិន លោក ស៊ី ជីនពីង បានគូសបញ្ជាក់នៅថ្ងៃពុធ ទី២៥ ខែតុលា ថា ប្រទេសចិនមានឆន្ទៈក្នុងការសហការជាមួយសហរដ្ឋអាម៉េរិកនិងធ្វើការរួមគ្នាដើម្បីឆ្លើយតបទៅនឹងបញ្ហាប្រឈមជាសកល។ លោកស៊ីជិនភីងបានបាននិយាយនៅក្នុងលិខិតចុះផ្សាយដោយសារព័ត៌មានរដ្ឋចិនថាប្រទេសចិនមានឆន្ទៈក្នុងការធ្វើការជាមួយសហរដ្ឋអាម៉េរិកដើម្បីធានាដល់សន្តិសុខក្នុងតំបន់ និងដោះស្រាយជម្លោះផ្សេងៗក្នុងសកលលោក។ លោកបន្ថែមថាប្រទេសទាំងពីរគួរតែគោរពគ្នាទៅវិញទៅមក សហការដោយសន្តិភាព លោកថ្លែងបែបនេះមុនពេលដំណើរទស្សនកិច្ចដ៏សំខាន់របស់រដ្ឋមន្ត្រីការបរទេសលោក Wang Yi ទៅកាន់ទីក្រុងវ៉ាស៊ីនតោន នៅចុងសប្តាហ៍នេះ។
ដំណើរទស្សនកិច្ចពីថ្ងៃព្រហស្បតិ៍ដល់ថ្ងៃសៅរ៍របស់អ្នកការទូតកំពូលរបស់ចិននឹងក្លាយជាការចូលរួមផ្ទាល់កម្រិតខ្ពស់បំផុតនៅមុនកិច្ចប្រជុំដែលរំពឹងទុករវាងប្រធានាធិបតីអាម៉េរិកលោក Joe Biden និងលោក Xi នៅសាន់ហ្វ្រាន់ស៊ីស្កូក្នុងកិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) ក្នុងខែវិច្ឆិកាខាងមុខនេះ។មន្ត្រីជាន់ខ្ពស់អាម៉េរិកជាច្រើននាក់ រួមទាំងរដ្ឋមន្ត្រីការបរទេសអាម៉េរិក លោក Antony Blinken បានជួបជាមួយសមភាគីចិននៅទីក្រុងប៉េកាំង នៅរដូវក្តៅនេះ៕
