តៃប៉ិ៖ ព្យុះទីហ្វុង Koinu បានបោកបក់ឆ្ពោះទៅភាគខាងត្បូងកោះតៃវ៉ាន់នៅថ្ងៃពុធនេះដោយនាំមកនូវភ្លៀងធ្លាក់ខ្លាំង និងខ្យល់បក់បោក ហើយបណ្តាលឱ្យមានការលុបចោលជើងហោះហើរក្នុងស្រុកចំនួន ៧០ និងការផ្អាកការងារ និងសាលារៀននៅក្នុងតំបន់ទីក្រុងនៅភាគខាងត្បូងនៃកោះតៃវ៉ាន់រហូតដល់ទទួលបានដំណឹងជាថ្មី។
ព្យុះ Koinu ត្រូវបានគេរំពឹងថានឹងបោកបក់នៅឆ្នេរសមុទ្រភាគអាគ្នេយ៍របស់កោះតៃវ៉ាន់ ក្បែរទីក្រុង Taitung នៅព្រឹកថ្ងៃព្រហស្បតិ៍ ជាព្យុះទីហ្វុងប្រភេទទី ៣ ប៉ុន្តែបន្ទាប់មកបានចុះខ្សោយនៅពេលដែលវាឆ្លងកាត់ចុងភាគខាងត្បូងរបស់កោះតៃវ៉ាន់។
ភ្លៀងធ្លាក់ខ្លាំងបំផុតនឹងធ្លាក់នៅតាមតំបន់ភ្នំ និងតំបន់ដែលមានប្រជាជនតិចនៃស្រុក Pingtung នៅភាគខាងត្បូង និងតំបន់ឆ្នេរភាគខាងកើតនៃតំបន់ Taitung និង Hualien ប៉ុន្តែព្យុះទីហ្វុងក៏នឹងប៉ះពាល់ដល់ទីក្រុងកំពង់ផែ Kaohsiung ភាគខាងត្បូងផងដែរ៕
