ឥណ្ឌាប្រាប់កាណាដាឲ្យដកមន្ត្រីការទូត៤១នាក់ចេញជាបន្ទាន់

ឥណ្ឌា៖ យោងតាមកាសែត Financial Times បានចុះផ្សាយនាថ្ងៃអង្គារនេះថា ប្រទេសឥណ្ឌាបានប្រាប់ប្រទេសកាណាដាថាត្រូវតែធ្វើមាតុភូមិនិវត្តន៍អ្នកការទូតចំនួន ៤១ នាក់ចេញជាបន្ទាន់ឲ្យបានផុត ត្រឹមថ្ងៃទី ១០ ខែតុលា។

បើតាមកាសែត Financial Times បានសរសេរថាឥណ្ឌាបានគំរាមដកអភ័យឯកសិទ្ធិការទូតរបស់អ្នកការទូតទាំងនោះដែលកំពុងតែមានវត្តមានក្នុងប្រទេសឥណ្ដាឱ្យចាកចេញពីប្រទេសឥណ្ឌាជាបន្ទាន់មុនថ្ងៃ ១០ ខែតុលា ។ក្នុងអត្ថបទកាសែតនេះសរសេរបន្ថែមថាប្រទេសកាណាដាមានអ្នកការទូតចំនួន ៦២នាក់នៅក្នុងប្រទេសឥណ្ឌា។

គួរបញ្ជាក់ថាភាពតានតឹងរវាងប្រទេសទាំងពីរជុំវិញការអះអាងរបស់នាយករដ្ឋមន្ត្រីកាណាដា Justin Trudeau ដែលថាភ្នាក់ងារស៊ើបការណ៍សម្ងាត់ឥណ្ឌាអាចជាប់ពាក់ព័ន្ធក្នុងការធ្វើឃាតលោក លោក Hardeep Singh Nijjar ដែលពាក់ព័ន្ធទៅនឹងសាសនាក្នុងប្រទេសឥណ្ឌា៕