វៀតណាម៖ យ៉ាងហើចណាស់មនុស្ស ៥៦ នាក់បានស្លាប់ និង ៣៧ នាក់បានរងរបួសនៅក្នុងអគ្គីភ័យឆាបឆេះផ្ទះល្វែងមួយក្នុងទីក្រុងហាណូយកាលពីល្ងាចថ្ងៃអង្គារ។ក្នុងចំណោមសាកសពទាំង៥៦នោះ មាន៣៦នាក់ត្រូវបានកំណត់អត្តសញ្ញាណ ។ ជនរងគ្រោះភាគច្រើនបានស្លាប់នៅនឹងកន្លែង ខណៈអ្នកខ្លះទៀតស្លាប់នៅមន្ទីរពេទ្យ។ប៉ូលីសហាណូយនៅរសៀលថ្ងៃពុធបានចាប់ខ្លួនម្ចាស់អគារ Nghiem Quang Minh អាយុ ៤៤ ឆ្នាំដើម្បីស៊ើបអង្កេតថាតើគាត់បានបំពានច្បាប់សុវត្ថិភាពអគ្គីភ័យឬយ៉ាងណា។
អគ្គីភ័យបានឆាបឆេះកាលពីវេលាម៉ោង១១យប់នៅផ្ទះ ១០ ជាន់ បែងចែកជាបន្ទប់សម្រាប់ជួល ជាង ៤០ គ្រួសារ នៅផ្លូវលំមួយនៅផ្លូវ Khuong Ha ក្នុងស្រុក Thanh Xuan ។អ្នកស្រុកជាច្រើនត្រូវបានបង្ខំចិត្តលោតពីលើអាគារដើម្បីគេចពីការឆាបឆេះ។អ្នកពន្លត់អគ្គីភ័យបានជួយសង្រ្គោះមនុស្សចំនួន ៧០ នាក់ និងបញ្ជូនពួកគេចំនួន ៥៤ នាក់ទៅកាន់មន្ទីរពេទ្យ។ក្នុងចំណោមសាកសពទាំង៥៦នាក់ មាន៣៩នាក់ត្រូវបានកំណត់អត្តសញ្ញាណ ។
អាជ្ញាធរក្រុងហាណូយបានផ្តល់ថវិកាចំនួន ៣៧ លានដុង (១.៥៣១ ដុល្លារ) សម្រាប់គ្រួសារជនរងគ្រោះដែលបានស្លាប់ម្នាក់ៗ និង ១២,៤ លានដុងសម្រាប់អ្នករងរបួសម្នាក់ៗ។ ទីក្រុងក៏នឹងផ្តល់ជំនួយដល់សិស្សានុសិស្ស និងកម្មករដែលជួល ដោយម្នាក់ៗទទួលបាន ១,៥ លានដុងក្នុងមួយខែសម្រាប់រយៈពេល ៦ ខែ។អ្នករងរបួសក្នុងគ្រោះអគ្គិភ័យដែលត្រូវសម្រាកព្យាបាលនៅមន្ទីរពេទ្យត្រូវរ៉ាប់រងទាំងស្រុង។
គួរបញ្ជាក់ថានេះគឺជាអគ្គិភ័យដែលមានចំនួនអ្នកស្លាប់និងរបួសច្រើនជាងគេក្នុងរយៈពេលប៉ុន្មានឆ្នាំចុងក្រោយនេះក្នុងប្រទេសវៀតណាម។ នៅខែកញ្ញា ឆ្នាំ 2022 អគ្គីភ័យនៅហាងខារ៉ាអូខេមួយកន្លែងនៅទីក្រុង Binh Duong បានបណ្តាលឲ្យមនុស្ស ៣២ នាក់ស្លាប់។កាលពីខែវិច្ឆិកា ឆ្នាំ២០១៦ ហាងខារ៉ាអូខេមួយនៅស្រុក Cau Giay ទីក្រុងហាណូយបានឆេះរាលដាលដល់ផ្ទះអ្នកជិតខាងចំនួន ៣នាក់ ដោយបានសម្លាប់មនុស្ស ១៣នាក់៕
