អាម៉េរិក៖ ក្រុមហ៊ុនខ្នាតយក្សប្រចាំសហរដ្ឋអាម៉េរិកនឹងប្រកាសចេញមូឌែលត្រកូល iPhone 15 ថ្មីៗជាច្រើនដូចជា iPhone 15, iPhone 15 Plus, iPhone 15 Pro, iPhone 15 Pro Max ។ ព្រឹត្តិការណ៍ Wonderlust ថ្មីនឹងមិនត្រឹមតែប្រកាសចេញ iPhone ថ្មីប៉ុណ្ណោះទេ ប៉ុន្តែក៏នឹងមានការបញ្ចេញ Apple Watches ថ្មី និង AirPods Pro ជំនាន់ថ្មីផងដែរ អ្វីដែលចាប់អារម្មណ៍ Iphone និងប្រើប្រាស់ឆ្នាំងសាក USB Type-C ជំនួសឲ្យ Lighting របស់ខ្លួន។
នៅក្នុងស៊េរី iPhone 15 នាពេលខាងមុខ ក្រុមហ៊ុន Apple កំពុងត្រៀមលក្ខណៈសម្រាប់ការកែលម្អយ៉ាងច្រើននៅក្នុងម៉ូដែល ដោយផ្តោតលើកាមេរ៉ា និងការផ្លាស់ប្តូរបន្តិចបន្តួចនៅក្នុងការរចនា។ ការផ្លាស់ប្តូរដ៏ធំបំផុតមួយនៅក្នុង iPhone 15 គឺការលុបបំបាត់ស្នាមរន្ធដែលបានបង្ហាញខ្លួនជាលើកដំបូងជាមួយនឹងស៊េរី iPhone X នឹងមានជម្រើសពណ៌ថ្មីផងដែរ ដែលរួមមានពណ៌ផ្កាឈូក ដែលធ្លាប់ប្រើសម្រាប់ Apple Watch ពីមុន។
Iphone 15 ក៏នឹងបំពាក់ស៊ុមទីតានីញ៉ូមថ្មីផងដែរ បើប្រៀបធៀបទៅនឹងស៊ុមដែកអ៊ីណុកដែលប្រើក្នុងស៊េរី iPhone 14 Pro មុន ស៊ុមទីតានីញ៉ូមនៅក្នុង iPhone 15 Pro នឹងស្រាលជាង និងប្រើប្រាស់បានយូរជាង៕
