ចិន៖ យោងតាមការិយាល័យស្ថិតិជាតិចិនបានឲ្យដឹងថានាថ្ងៃព្រហស្បតិ៍នេះថាទិន្នផលអង្ករដំបូងរបស់ប្រទេសចិនបានកើនឡើង ០.៨ ភាគរយពីមួយឆ្នាំទៅមួយឆ្នាំ ឈានដល់ ២៨.៣៤ លានតោនក្នុងឆ្នាំ ២០២៣ ។ ផ្ទៃដីសាបព្រោះស្រូវដំបូងបានធ្លាក់ចុះ ០.៥ ភាគរយធៀបនឹងឆ្នាំមុនមកត្រឹម ៤.៧៣ លានហិកតា ប៉ុន្តែទិន្នផលក្នុងមួយហិកតាបានកើនឡើង ១.២ ភាគរយដល់ ៥.៩៨៧ គីឡូក្រាមក្នុងមួយហិកតា។
តំបន់ដែលបានសាបព្រោះស្រូវជាច្រើនបានកើនឡើងនៅក្នុងខេត្ត Zhejiang ភាគខាងកើតប្រទេស តំបន់ស្វយ័ត Guangxi ភាគខាងត្បូង និងតំបន់មួយចំនួនទៀត។ តំបន់ដែលបានសាបព្រោះក្នុងខេត្ត Jiangxi ភាគខាងកើតប្រទេសចិន ខេត្ត Hunan ភាគកណ្តាលប្រទេសចិន និងកន្លែងផ្សេងទៀតដោយសារតែផលប៉ះពាល់អាកាសធាតុកាលពីឆ្នាំមុន និងការផ្លាស់ប្តូររចនាសម្ព័ន្ធដាំដុះដំណាកសិកម្មស្រូវមានការថយចុះខុសពីរាល់ដងជាខ្លាំង។
លើសពីនេះ លក្ខខណ្ឌឧតុនិយមក្នុងខេត្ត Jiangxi ខេត្ត Guangdong ភាគខាងត្បូងប្រទេសចិន និងកន្លែងផ្សេងទៀតមានអំណោយផលដល់ការរីកលូតលាស់នៃដំណាំស្រូវ ដែលនាំឱ្យទិន្នផលកើនឡើងក្នុងមួយហិកតាជាច្រើនគីឡូក្រាម។ ទោះជាយ៉ាងណាក៏ដោយ ទិន្នផលក្នុងមួយហិកតាបានថយចុះនៅក្នុងខេត្តក្វាងស៊ី ដោយសារបញ្ហាអាកាសធាតុខ្លាំង ដូចជាភ្លៀងធ្លាក់ខ្លាំងក្នុងអំឡុងពេលប្រមូលផលរដូវក្តៅ។
លោក Wang Guirong មន្ត្រីប្រចាំការិយាល័យបានអះអាងថា ប្រឈមជាមួយបញ្ហាបរិយាកាសប្រែប្រួល និងព្រឹត្តិការណ៍អាកាសធាតុធ្ងន់ធ្ងរជាញឹកញាប់នៅជុំវិញពិភពលោក បានប៉ះពាល់ដល់ការប្រមូលផលគ្រាប់ធញ្ញជាតិ និងការប្រមូលផលស្រូវដំបូងរបស់ប្រទេសចិនជាខ្លាំង៕
