.png?1741682398)
អាម៉េរិក៖ ចំនួនមនុស្សស្លាប់បានកើនឡើងដល់ទៅ ៦៧នាក់ នៅថ្ងៃទី១១ សីហា ក្នុងភ្លើងឆេះព្រៃយ៉ាងសន្ធោសន្ធៅ ដែលបានធ្វើឲ្យទីក្រុងរីសត Lahaina លើកោះ Maui រងការខូចខាតជាខ្លាំងភ្លើងឆេះព្រៃនេះក៏បានបំផ្លាញទីក្រុងរមណីយដ្ឋានប្រវត្តិសាស្ត្រក្នុងតំបន់ផងដែរ។ ចំនួនអ្នកស្លាប់ត្រូវបានគេរំពឹងថានឹងកើនឡើងច្រើនជាង ៦០នាក់ ខណៈដែលក្រុមរុករកបានឆ្លងកាត់តំបន់ដែលបានឆេះ បន្ទាប់ពីអគ្គីភ័យបានឆេះអគារចំនួន ១,០០០ ខ្នង និងបានធ្វើឱ្យមនុស្សរាប់ពាន់នាក់គ្មានផ្ទះសម្បែង។
យោងតាមលោកBradford Ventura ប្រធានផ្នែកពន្លត់អគ្គីភ័យតំបន់ Maui បានគូសបញ្ជាក់ថា ល្បឿននៃអគ្គីភ័យនៃភ្លើងឆេះព្រៃនេះអាជ្ញាធរភ្ញាក់ផ្អើលជាខ្លាំងព្រោះជាល្បឿនមិនធ្លាប់មានពីមុនមក ដែលក្រុមមន្រ្តីស្ទើតែជូនដំណឹងទៅកាន់ក្រុមសង្រ្គោះបន្ទាន់មិនទាន់ពេលវេលា។លើសពីនេះ អ្នកទេសចររាប់ម៉ឺននាក់ ត្រូវបានជម្លៀសចេញ ហើយមនុស្ស ១១០០០ នាក់ គ្មានអគ្គិសនីប្រើប្រាស់ លោកប្រធានាធិបតីអាម៉េរិក ចូ បៃដិន បានប្រកាសភ្លើងឆេះព្រៃនេះ ជាគ្រោះមហន្តរាយដ៏ធំមួយ ហើយរដ្ឋាភិបាលសហព័ន្ធនឹងផ្តល់មូលនិធិសង្គ្រោះ និងស្តារឡើងវិញនៅតំបន់ភ្លើងឆេះព្រៃនេះផងដែរ។
គួរបញ្ជាក់ថា ភ្លើងឆេះព្រៃនៅកោះ Mauiជាភ្លើងឆេះព្រៃ ដែលបានកើតឡើងអំឡុងពេលរដូវក្តៅក្នុងឆ្នាំនេះ នៅជុំវិញពិភពលោក។ ភ្លើងឆេះព្រៃនាពេលកន្លងទៅថ្មីៗនេះ ដែលបង្កឡើងដោយសីតុណ្ហភាពខ្ពស់បំផុត បានបង្ខំឱ្យមានការជម្លៀសមនុស្សរាប់សិបម៉ឺននាក់ នៅតាមប្រទេសដូចជា អេស៉្បាញ ក្រិក ព័រទុយហ្កាល់ និងផ្នែកដទៃៗទៀតនៃទ្វីបអឺរ៉ុប ហើយតំបន់ភាគខាងលិចនៃប្រទេសកាណាដា ជាដើម៕
.png?1744178821)
