Eqm5 on ads news
Photo 2022 10 27 10.25.28
Img 0571
Photo 2023 06 28 13.36.05
Cct 01
Website cc time banner 01082023

ទាហានចិនតស៊ូដឹកជញ្ជូន«ស្បៀងអាហារ»ទៅកាន់កន្លែងរងគ្រោះដោយទឹកជំនន់

អន្តរជាតិ
/
អ្នកយកព័ត៌មាន:
កូ រដ្ឋា
/

ចិន៖ ទាហានមួយក្រុមមកពីកងទ័ពរំដោះប្រជាជនបានធ្វើដំណើរអស់ជាច្រើនម៉ោងតាមផ្លូវភ្នំដើម្បីយកកញ្ចប់ជំនួយជូនដល់ពលរដ្ឋដែលកំពុងតែរងគ្រោះដោយសារទឹកជំនន់ ដើម្បីចែកចាយអាហារ និងថ្នាំសំខាន់ៗដល់អ្នកភូមិដែលត្រូវបានកាត់ផ្តាច់ដោយទឹកជំនន់នៅក្នុងសហគមន៍ដាច់ស្រយាលមួយនៅជាយក្រុងប៉េកាំង។

ក្បួនដឹកទាហាន៣០នាក់ និងស្បៀងអាហារ ថ្នាំពេទ្យ និងទំនិញដែលត្រូវការជាបន្ទាន់ផ្សេងទៀតបានចេញដំណើរនៅព្រឹកព្រលឹមពីចំណុចប្រមូលផ្តុំចម្ងាយ ១៨ គីឡូម៉ែត្រពីភូមិ Yanglinshui ក្នុងស្រុក Fangshan ភាគខាងលិចក្រុងប៉េកាំង។ ប៉ុន្តែមិនយូរប៉ុន្មានស្ពានដែលបាក់បានបញ្ឈប់ក្បួនរថយន្ត ហើយទាហានបានសម្រេចចិត្តដើរតាមផ្លូវ ដោយម្នាក់ៗផ្ទុកទំនិញ២០គីឡូក្រាម។មួយម៉ោងក្រោយមក ក្រុមការងារបានជួបអ្នកភូមិមួយក្រុមដែលកំពុងតស៊ូដើម្បីធ្វើដំណើរចុះពីលើភ្នំដូចគ្នាដើម្បីស្វែងរកការសង្រ្គោះ។

ទាហាន៥នាក់បានទទួលបន្ទុកដឹកជញ្ជូនអ្នកភូមិចាស់បីនាក់ដែលមានការលំបាកក្នុងការផ្លាស់ទី ខណៈក្រុមផ្សេងទៀតបន្តដំណើរទៅភូមិ។នៅពេលពួកគេមកដល់ ទាហានបានដឹងថា អ្នកភូមិភាគច្រើនបានចាប់ផ្តើមផ្លាស់ប្តូរទីលំនៅរបស់ពួកគេរួចហើយ ដោយសារភូមិនេះត្រូវបានរងគ្រោះដោយទឹកជំនន់ ហើយឥឡូវនេះទឹកជំនន់បានស្រកចុះ ពួកគេបានចាប់ផ្តើមចាកចេញពីភូមិដោយខ្លួនឯង។ទាហានបានរកឃើញភូមិចាស់ចំនួនពីរដែលពិបាកក្នុងការផ្លាស់ទី។ ក្រោយពីបានពិគ្រោះគ្នាហើយ ពួកគេបានសម្រេចចិត្តដឹកមនុស្សចាស់ទៅកន្លែងស្នាក់នៅក្នុងស្រុក។ គ្រូពេទ្យនៅនឹងកន្លែងរបស់កងទ័ពបានរកឃើញថា ស្ត្រីចំណាស់ម្នាក់មានជំងឺសរសៃឈាមបេះដូង និងឈឺចង្កេះ និងជើង។

ដើម្បីដឹកគាត់ចុះចំណោតដោយសុវត្ថិភាព ក្រុមការងារបានប្រើប្រាស់សម្ភារក្នុងស្រុកដែលមានសម្រាប់សង់រទេះរុញបណ្តោះអាសន្ន ហើយដឹកស្ត្រីចំណាស់ចុះពីលើភ្នំ។ក្រោយពីដើរថ្មើរជើងអស់ជាង៤ម៉ោង ទីបំផុតទាហានបាននាំអ្នកភូមិវ័យចំណាស់ពីរនាក់ទៅកន្លែងជម្រកដែលមានសុវត្ថិភាពដោយមិនបានសម្រាក ទាហានបានចាប់ផ្តើមចែកទំនិញ និងថ្នាំដល់អ្នកភូមិភ្លាមៗ។

ជម្រកបណ្តោះអាសន្ននេះត្រូវបានបង្កើតឡើងដោយគណៈកម្មាធិការបក្ស និងរដ្ឋាភិបាលក្រុងប៉េកាំង ដែលឥឡូវនេះមានអ្នកភូមិស្នាក់នៅប្រមាណ ១៣១ នាក់ ដែលក្នុងនោះជាង ៨០ ភាគរយមានអាយុ ៦០ ឆ្នាំ ហើយ ៨ នាក់ក្នុងចំណោមពួកគេមានអាយុ ៨០ ឆ្នាំ។

គួរបញ្ជាក់ថាព្យុះទីហ្វុងដុកសូរីបានវាយប្រហារប្រទេសចិនកាលពីសប្តាហ៍មុនដោយបានធ្វើឲ្យពលរដ្ឋរបស់នៅក្នុងតំបន់គ្រោះអាសន្នជាង១លាន់នាក់បានបង្ខំចិត្តជម្លៀសខ្លួនពីលំនៅដ្ឋានទៅកាន់ទីកន្លែងសុវត្ថិភាព ព្យុះទីហ្វុងនេះគឺជាព្យុះទី៥ក្នុងប្រទេសចិនដែលបានគំរាមគំហែងដល់អាយុជីវីតពលរដ្ឋចិនជាច្រើនម៉ឺននាក់ ព្យុះនេះក៏បានបើកបក់ដល់ប្រទេសវៀតណាម ឥណ្ឌូនេស៊ី ហើយកម្ពុជាយើងក៏ទទួលរងឥទ្ធិពលមួយចំនួនពីព្យុះនេះផងដែរ៕


ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង