តៃប៉ិ៖ មេដឹកនាំតៃវ៉ាន់លោកស្រី Tsai Ing-wen បានធ្វើតេស្តវិជ្ជមានកូវីដនៅថ្ងៃអង្គារនេះ ការិយាល័យប្រធានាធិបតីបានអះអាងថា ការធ្វើដំណើររបស់លោកស្រីសម្រាប់រសៀលថ្ងៃអង្គារត្រូវបានលុបចោល។
សេចក្តីថ្លែងការណ៍របស់តៃវ៉ាន់បានឲ្យដឹងថា "បច្ចុប្បន្នលោកស្រីកំពុងបង្ហាញរោគសញ្ញាស្រាលហើយកំពុងត្រូវបានយកចិត្តទុកដាក់ដោយក្រុមគ្រូពេទ្យ" លោកស្រី Tsai បានជំរុញឱ្យនាយករដ្ឋមន្ត្រី លោក Chen Chien-jen ធ្វើការយ៉ាងជិតស្និទ្ធជាមួយរដ្ឋបាលដើម្បីបង្កើនការត្រៀមលក្ខណៈ ខណៈដែលព្យុះទីហ្វុង ដុកសូរី ត្រូវបានគេរំពឹងថានឹងបោកបក់កាត់ភាគខាងត្បូងតៃវ៉ាន់ដោយនាំមកនូវខ្យល់បក់ខ្លាំង និងភ្លៀងធ្លាក់នាសប្តាហ៍នេះ៕
