លោកភីតា«បរាជ័យ»ក្នុងការក្លាយជានាយករដ្ឋមន្រ្តីថៃថ្មី

បាងកក៖ លោក Pita Limjaroenrat បេក្ខភាពនាយករដ្ឋមន្រ្តីប្រទេសថៃថ្មីបានបរាជ័យនាល្ងាចថ្ងៃព្រហស្បតិ៍នេះបន្ទាប់ពីសភាជាតិបោះឆ្នោតដោយទទួលបានសំឡេងត្រឹមតែ ៣២៣ នៅក្នុងសម័យប្រជុំរួមគ្នានៃព្រឹទ្ធសភា និងសភាតំណាងរាស្រ្ត ។

លោក Pita មេដឹកនាំនៃគណបក្សឆ្ពោះទៅមុខ រឺ Move Forward មិនត្រូវបានសភាជាតិថៃបោះឆ្នោតឲ្យបានក្លាយជានាយករដ្ឋមន្រ្តីថៃថ្មីជាផ្លូវការនៅឡើយនោះទេដោយលោកទទួលបានសម្លេងតែ ៣២៣តែប៉ុណ្ណោះតាមច្បាប់ប្រទេសថៃ គឺលោក Pita ត្រូវការចំនួន៣៧៥សំឡេង ដែលជាសំឡេងភាគច្រើន ទើបអាចក្លាយជានាយករដ្ឋមន្រ្តីបាន ដោយក្នុងនោះមានការបោះឆ្នោតអនុប្បវាទ និងការបោះឆ្នោតប្រឆាំងនឹងលោក។ សភាថៃនឹងធ្វើការបោះឆ្នោតមួយទៀតនៅសប្តាហ៍ក្រោយដែលលោក Pita អាចចូលរួមប្រកួតប្រជែងបានប្រសិនបើត្រូវបានតែងតាំងម្តងទៀត៕