ភ្នំពេញ៖ អង្គការ IYF កំពុងតែជ្រើសរើសអ្នកស្ម័គ្រចិត្តក្នុងកម្មវិធីបោះជំរុំភាសាអង់គ្លេសឆ្នាំ២០២៣ (IYF English Camp) ដែលជាកម្មវិធីធំមួយប្រចាំឆ្នាំ។ កម្មវិធីនេះប្រព្រឹត្តទៅ នាថ្ងៃទី២៤-២៥ សីហា វេលាម៉ោង ៨ព្រឹក-៥ល្ងាច នៅវិទ្យាស្ថានបច្ចេកវិទ្យាកម្ពុជា (ITC)។
ការងារស្ម័គ្រចិត្តនៅក្នុងកម្មវិធីបោះជំរុំនេះមានដូចជា រៀបចំទទួលភ្ញៀវកិត្តិយស និងគណអធិបតី, រៀបចំភូមិភាសាអង់គ្លេស, រៀបចំដំណើរការ Mission Game, រៀបចំសណ្តាប់ធ្នាប់ និងដំណើរការកម្មវិធី, រៀបចំទទួលចុះឈ្មោះ និងគ្រប់គ្រងវត្តមានអ្នកចូលរួម, ដឹកនាំអ្នកចូលរួមកម្មវិធីតាមក្រុម, ថតរូប និងវីដេអូសកម្មភាពក្នុងកម្មវិធី, និង ការងារផ្សេងៗជាច្រើនទៀត។
អ្នកស្ម័គ្រចិត្ត នឹងទទួលបានវិញ្ញាបនបត្របញ្ជាក់ពីការស្ម័គ្រចិត្ត, ទទួលបានការបណ្តុះបណ្តាលការអប់រំចិត្តដើម្បីមានចិត្តរឹងមាំ និងវិជ្ជមាន, បង្កើតមិត្តភាពថ្មីៗ និងរីកចម្រើនផ្នែកទំនាក់ទំនង, រៀនពីភាពជាអ្នកនាំ និងការងារផ្នែកនីមួយៗ, មានឱកាសជួបវាគ្មិនជនជាតិបរទេសជាច្រើន។
គួរបញ្ជាក់ថា អង្គការ IYF ជាអង្គការយុវជនធំជាងគេលើពិភពលោកដែលមានទីស្នាក់ការកណ្តាលនៅប្រទេសកូរ៉េខាងត្បូង និងមានសាខា១០០ប្រទេសជាង៕
