អ៊ីស្រាអែល៖ កងកម្លាំងការពារអ៊ីស្រាអែល និងសេវាសន្តិសុខ Shin Bet នាថ្ងៃច័ន្ទនេះបានបើកការវាយលុកទ្រង់ទ្រាយធំដោយស្វែងរក "រារាំងការគំរាមកំហែងនៃអំពើភេរវកម្ម" នៅទូទាំងតំបន់ West Bank ក្នុងប្រទេសអ៊ីស្រាអែល ។ ប្រតិបត្តិការរួមនេះត្រូវបានគេចោទប្រកាន់ថាបានកំណត់គោលដៅទីស្នាក់ការកណ្តាលរបស់ក្រុមសកម្មប្រយុទ្ធក្នុងជំរំជនភៀសខ្លួនក្នុងទីក្រុង Jenin។
កងកម្លាំងនៃប្រទេសអ៊ីស្រាអែល IDF បានបញ្ជាក់ថាក្រុមខ្លួនបានវាយប្រហារ “ហេដ្ឋារចនាសម្ព័ន្ធភេរវកម្ម” នៅក្នុងទីក្រុងនៅម៉ោងប្រហែល ២ ទៀបភ្លឺ ដោយអះអាងថា ជំរំ Jenin ត្រូវបានប្រែក្លាយទៅជា “បន្ទាយភេរវករ”។ យោធាបាននិយាយថា ខ្លួនបានវាយឆ្មក់ទីស្នាក់ការរួមនៃក្រុមប្រដាប់អាវុធជាច្រើនដែល "បម្រើជាប៉ុស្តិ៍សង្កេតការណ៍ កន្លែងប្រមូលផ្តុំសម្រាប់ភេរវករប្រដាប់អាវុធ ឃ្លាំងសម្ងាត់ដែលផ្ទុកគ្រាប់បែក និងមជ្ឈមណ្ឌលទំនាក់ទំនង"របស់ក្រុមភេរវករ។
អ្នកនាំពាក្យយោធាអ៊ីស្រាអែល លោកវរសេនីយ៍ទោ Richard Hecht បានគូសបញ្ជាក់ក្នុង twitter ដោយអះអាងថា "ទីតាំងប្រតិបត្តិការដែលប្រើដោយពួកភេរវករ" គឺស្ថិតនៅជាប់នឹងសាលារៀន មជ្ឈមណ្ឌលវេជ្ជសាស្ត្រ និងផ្ទះជនស៊ីវិល៕
