អ៊ុយក្រែន៖កងកម្លាប់នៃប្រទេសអ៊ុយបានអះអាងនាថ្ងៃ អង្ការ នេះថាក្រុមទាហានរបស់ខ្លួនបានវាយប្រហារនិងកម្ទេចឧបករណ៍ និងសម្ភារៈយោធាព្រមទាំងបន្ទាយទាហានរុស្សីជិតកន្លែងរុស្សីកាន់កាប់អស់ជាច្រើន។ កងកម្លាំងអ៊ុយក្រែនក៏បានវាយបកទៅកាន់រុស្សីយ៉ាងចាស់ដៃផងដែរ ខណៈដែលរុស្សី បានស្ទាក់ចាប់យន្តហោះគ្មានមនុស្សបើករបស់អ៊ុយក្រែន និងបានប្រយុទ្ធជាមួយកងកម្លាំងអ៊ុយក្រែនក្នុងទិសដៅជាច្រើនថ្ងៃកន្លងមក។
អគ្គសេនាធិការនៃកងកម្លាំងប្រដាប់អាវុធអ៊ុយក្រែន (AFU) បាននិយាយថា ក្នុងរយៈពេល ២៤ ម៉ោងកន្លងទៅ មានសមរភូមិចំនួន ៣៦ នៅជួរមុខ ហើយកងកម្លាំងអ៊ុយក្រែនបានស្ទាក់ចាប់ UAVs របស់រុស្ស៊ី។ កងកម្លាំងប្រដាប់អាវុធរបស់ប្រទេសអ៊ុយក្រែនក៏បានប្រយុទ្ធជាមួយជនជាតិរុស្ស៊ីក្នុងទិសដៅនៃ តំបន់ Krasny Liman,(ក្រាស់នីលៃម៉ាន់) Bakhmut, (បាក់មុត) Mar'inka (ម៉ារីការ) ថែមទៀតផង។ សេចក្តីរាយការណ៍បន្តថា កងកម្លាំងអាកាសអ៊ុយក្រែន អង្គភាពមីស៊ីល និងកាំភ្លើងធំបានធ្វើការវាយប្រហារសំដៅលើតំបន់ប្រមូលផ្តុំនៃកងទ័ព និងបរិក្ខាររបស់រុស្ស៊ី ប៉ុស្តិ៍បញ្ជាការ និងឃ្លាំងរំសេវ។
ចំណែកក្រសួងការពារជាតិរុស្ស៊ីបាននិយាយថា កងកម្លាំងរុស្សីបានអនុវត្តការវាយប្រហារចង្កោមភាពជាក់លាក់ខ្ពស់ដែលមានមូលដ្ឋានលើសមុទ្ររយៈចម្ងាយឆ្ងាយប្រឆាំងនឹងឃ្លាំងរំសេវរបស់អ៊ុយក្រែន បានធ្វើការវាយប្រហារលើរថពាសដែកអ៊ុយក្រែន រថពាសដែក M109 ដែលផលិតដោយសហរដ្ឋអាម៉េរិក និងឧបករណ៍ និងសម្ភារៈបរិក្ខារមួយចំនួនទៀតផងដែរ៕
