ហ្សាការតា៖ កម្មវិធីវីដេអូខ្លី TikTok គ្រោងនឹងបណ្តាក់ទុនរាប់ពាន់លានដុល្លារនៅក្នុងតំបន់អាស៊ីអាគ្នេយ៍ក្នុងរយៈពេលប៉ុន្មានឆ្នាំខាងមុខ។ នេះបើតាមនាយកប្រតិបត្តិក្រុមហ៊ុន Shou Zi Chew បាននិយាយនាព្រឹកថ្ងៃព្រហស្បតិ៍នេះ។
លោក Chew បាននិយាយនៅក្នុងព្រឹត្តិការណ៍មួយដែលធ្វើឡើងនៅប្រទេសឥណ្ឌូនេស៊ីថាមាតិការបស់ TikTok កាន់តែមានភាពចម្រុះ ដោយសារមានអ្នកប្រើប្រាស់កាន់តែច្រើន និងពង្រីកចូលទៅក្នុងពាណិជ្ជកម្មអេឡិចត្រូនិច។
សម្រាប់លោក Chew អាស៊ីអាគ្នេយ៍គឺជាទីផ្សារដ៏ធំបំផុតមួយរបស់ TikTok ទាក់ទងនឹងចំនួនអ្នកប្រើប្រាស់ ហើយ TikTok ក៏កំពុងប្រឈមនឹងការប្រកួតប្រជែងដ៏ខ្លាំងក្លាពីគូប្រជែងធំជាងរបស់ Sea's Shopee, Lazada របស់ Alibaba និង Tokopedia របស់ GoTo ។
បើតាមលោក Chew TikTok មានបុគ្គលិកចំនួន ៨,០០០ នាក់នៅអាស៊ីអាគ្នេយ៍ ហើយអ្នកលក់តូចៗចំនួន ២ លាននាក់ដែលកំពុងលក់ទំនិញរបស់ខ្លួននៅលើបណ្តាញសង្គម TikTok៕
