ចិន៖ យោងតាមទិន្នន័យឧស្សាហកម្មចិនបានបង្ហាញថា ទីផ្សាររថយន្តរបស់ប្រទេសចិនបានបន្តកើនឡើងនៅក្នុងខែឧសភា ខណៈដែលការលក់រថយន្ត ទិន្នផល និងការនាំចេញទាំងអស់បានកើនឡើងពីមួយឆ្នាំទៅមួយឆ្នាំ។
កាលពីខែមុន ការលក់រថយន្តចិនបានកើនឡើងជិត ២៨ ភាគរយពីមួយឆ្នាំទៅមួយឆ្នាំដល់ជាង ២,៣ លានគ្រឿង នេះបើតាមទិន្នន័យពីសមាគមផលិតរថយន្តរបស់ប្រទេសចិនបានបង្ហាញកាលពីថ្ងៃសុក្រ។ ទិន្នផលរថយន្តរបស់ប្រទេសចិនបានកើនឡើង ២១ ភាគរយ ហើយការនាំចេញបានកើនឡើង ៥៨ ភាគរយធៀបនឹងឆ្នាំមុនដល់ ២៨៩,០០០ គ្រឿង។
ទន្ទឹមនឹងនេះ ការលក់រថយន្តថាមពលថ្មី (NEVs) របស់ប្រទេសចិនបានកើនឡើង ៦០ ភាគរយពីមួយឆ្នាំទៅមួយឆ្នាំដល់ ៧១៧,០០០ គ្រឿង។ ទិន្នន័យបង្ហាញថាទីផ្សារ NEV នៅក្នុងប្រទេសចិនបានឈានដល់ ៣០ ភាគរយនៅក្នុងខែឧសភា។ លោក Xu Haidong អគ្គនាយករងវិស្វករបាននិយាយថា "ការផលិត និងការលក់រថយន្តបានឃើញកំណើនយ៉ាងឆាប់រហ័សពេញមួយខែមុន ហើយការនាំចេញបានដើរតួយ៉ាងសំខាន់៕
