អភិបាលខេត្តតាកែវជាប់ចំណាត់ថ្នាក់ជា«អភិបាលខេត្តអន់ជាងគេនៅកម្ពុជា»របស់សម្តេច ហ៊ុន សែន

តាកែវ៖លោក អ៊ូច ភា អភិបាលនៃគណ:អភិបាលខេត្តតាកែវ នៅថ្ងៃទី ១១ មិថុនានេះ ត្រូវបានសម្តេច ហ៊ុន សែន នាយករដ្ឋមន្ត្រីនៃម្ពុជា ដាក់ចំណាត់ថ្នាក់ថា ជាអភិបាលខេត្តដែលអន់ជាងគេនៅប្រទេសកម្ពុជា។ការប្រកាសរបស់សម្តេចនាយករដ្ឋមន្ត្រីយ៉ាងដូច្នេះ ធ្វើឡើងក្រោយពីលោក អ៊ូច ភា ក្តាប់របាយការណ៍អត់បានពីបញ្ហាចំណូលរបស់ប្រជាពលរដ្ឋនៅក្នុងខេត្តតាកែវទាំងមូល។

សម្តេច ហ៊ុន សែន​ បានគូសបញ្ជាក់ថា បញ្ហាចំណូលរបស់ប្រជាពលរដ្ឋក្នុងខេត្ត គឺជារឿងសំខាន់ដែលទាមទារឱ្យលោកអភិបាលខេត្តត្រូវយកចិត្តទុកដាក់ ហើយការស្តីបន្ទោសលើលោកអភិបាលខេត្តតាកែវ គឺជាសារព្រមានដល់អភិបាលខេត្តដ៏ទៃផ្សេងទៀតផងដែរ។

គួរបញ្ជាក់ថា​ប្រសាសន៍របស់សម្តេច ហ៊ុន សែននេះ ធ្វើឡើងក្នុងពិធីសំណេះសំណាលជាមួយកម្មករ កម្មការិនី សរុបជិត២ម៉ឺននាក់ មកពីរោងចក្រ សហគ្រាសចំនួន១២ ក្នុងស្រុកត្រាំកក់ ខេត្តតាកែវ ដែលពិធីនេះធ្វើឡើងនៅរោងចក្រ គ័នថេក ខេមបូឌា អ៉ិនធើណេសិនណល (KUANTECH CAMBODIA INTERNATIONAL)៕