វៀតណាមអនុម័តវ៉ាក់សាំងប្រឆាំង«ជំងឺប៉េស្តជ្រូក»

វៀតណាម៖ វ៉ាក់សាំងប្រឆាំងនឹងជំងឺប៉េស្តជ្រូកអាហ្រ្វិកដែលកំពុងត្រូវបានធ្វើតេស្តនៅប្រទេសវៀតណាមគឺកំពុងតែទទួលការអនុម័តហើយ មន្ត្រីពេទ្យសត្វពិភពលោក និងសហរដ្ឋអាម៉េរិកបាននិយាយថា នេះគឺជារបកគំហើញដ៏សំខាន់មួយដើម្បីដោះស្រាយជំងឺសត្វដ៏សាហាវដែលតែងតែបំផ្លាញកសិដ្ឋានចិញ្ចឹមជ្រូកទូទាំងពិភពលោក។ នេះបើយោងតាមការចុះផ្សាយរបស់ការសែតវៀតណាម VN Express។

ជំងឺប៉េស្តជ្រូកអាហ្រ្វិកអស់រយៈពេលជាច្រើនឆ្នាំបានរំខានដល់ទីផ្សារសាច់ជ្រូកពិភពលោកចំនួន ២៥០ ពាន់លានដុល្លារ។ នៅក្នុងការផ្ទុះឡើងដ៏អាក្រក់បំផុតក្នុងឆ្នាំ ២០១៨-១៩ ប្រហែលពាក់កណ្តាលនៃចំនួនជ្រូកក្នុងស្រុកបានស្លាប់នៅក្នុងប្រទេសចិន ដែលជាអ្នកផលិតធំបំផុតរបស់ពិភពលោក ដែលបណ្តាលឱ្យមានការខាតបង់ប្រមាណជាង ១០០ ពាន់លានដុល្លារ។

បន្ទាប់ពីការបរាជ័យជាច្រើនទស្សវត្សដោយសារភាពស្មុគស្មាញនៃមេរោគ វ៉ាក់សាំងចំនួនពីរដែលត្រូវបានបង្កើតឡើងដោយអ្នកវិទ្យាសាស្ត្រអាម៉េរិកកំពុងត្រូវបានសាកល្បងនៅក្នុងគម្រោងសាកល្បងដ៏ធំដោយក្រុមហ៊ុនវៀតណាមកំពុងបង្ហាញពីលទ្ធផល "ជោគជ័យ"។

ចាប់តាំងពីឆ្នាំ ២០២១ មកជំងឺប៉េស្តជ្រូកដែលមិនចម្លងគ្រោះថ្នាក់ដល់មនុស្សត្រូវបានរាយការណ៍កើតមានឡើងនៅក្នុងប្រទេសជិត ៥០ និងបណ្តាលឱ្យជ្រូកប្រហែល ១.៣ លានក្បាលងាប់។

បច្ចុប្បន្ននេះមិនមានការរីករាលដាលធំដុំទេ ប៉ុន្តែអ្នកផ្តល់ប្រាក់កម្ចីអាជីវកម្មកសិឧស្សាហកម្ម Rabobank បានព្រមានកាលពីខែមេសាថាការរីករាលដាលនៃជំងឺប៉េស្តជ្រូកដែលអាចកើតមានជាពិសេសនៅក្នុងប្រទេសចិននៅតែស្ថិតក្នុងចំណោមហានិភ័យកំពូលចំពោះឧស្សាហកម្មសាច់ជ្រូកពិភពលោក៕