ភ្នំពេញ៖ ក្រុមកីឡាបាល់បោះជិះរទេះនារីជនពិការកម្ពុជា នាថ្ងៃទី០៧ មិថុនា ទទួលបានត្រឹមមដាយប្រាក់ ក្រោយចាញ់ថៃ ក្នុងព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ សម្រាប់វិញ្ញាសាកីឡាបាល់បោះជិះរទេះជនពិការ ៥នាក់ ទល់ ៥នាក់។
ក្រុមបាល់បោះជិះរទេះនារីកម្ពុជា បានចាញ់លើក្រុមថៃ ក្នុងវគ្គផ្ដាច់ព្រ័ត្រ ក្នុងព្រឹត្តិការណ៍ប្រកួតកីឡាអាស៊ានប៉ារ៉ាហ្គេមលើកទី១២ ដោយក្រុមបាល់បោះជិះរទេះជនពិការនារីកម្ពុជា ចាញ់ថៃ ដោយលទ្ធផល ៦៦-២៦ពិន្ទុ ។
គួរបញ្ជាក់ថា ក្រុមបាល់បោះជិះរទេះនារីកម្ពុជា ធ្លាប់ឈ្នះមេដាយមាស ក្នុងវិញ្ញាសាបាល់បោះរទេះ ដែលប៉ះជាមួយក្រុមថៃផងដែរ សម្រាប់វិញ្ញាសាកីឡាបាល់បោះជិះរទេះជនពិការ ៣នាក់ ទល់ ៣នាក់កាលពីកន្លងទៅ៕
