អវកាសយានិកចិន «Shenzhou-16» ត្រៀមខ្លួនហោះហើរទៅកាន់អវកាស

ចិន៖ អវកាសយានិកទាំងបីនាក់របស់ចិនដែលត្រូវបានជ្រើសរើសឱ្យបំពេញបេសកកម្មយានអវកាស Shenzhou-16 របស់ប្រទេសចិន បានមកដល់កន្លែងបាញ់បង្ហោះនៅមជ្ឈមណ្ឌលបាញ់បង្ហោះផ្កាយរណប Jiuquan ភាគពាយព្យប្រទេសចិននាព្រឹកថ្ងៃអង្គារនេះ ដោយក្រោងនឹងឡើងលើយានអវកាសនាពេលខាងមុខនេះ។ យានអវកាស Shenzhou-16 គ្រោងនឹងបាញ់បង្ហោះចេញនៅព្រឹកនេះនៅមជ្ឈមណ្ឌលបាញ់បង្ហោះរបស់ចិន។ អវកាសយានិកទាំងបីនាក់គឺលោក Jing Haipeng ដែលជាមេបញ្ជាការ រួមទាំងលោក Zhu Yangzhu និង Gui Haichao ទាំងអស់បានបង្ហាញទំនុកចិត្តរបស់ពួកគេក្នុងការបំពេញបេសកកម្មនេះ។

លោក Jing នឹងក្លាយជាអវកាសយានិកជនជាតិចិនដំបូងគេដែលបានទៅកាន់ទីអវកាសជាលើកទីបួន បន្ទាប់ពីការចូលរួមរបស់គាត់ក្នុងបេសកកម្ម Shenzhou-7 ក្នុងឆ្នាំ ២០០៨ បេសកកម្ម Shenzhou-៩ ក្នុងឆ្នាំ ២០១២ និង Shenzhou-11 ក្នុងឆ្នាំ ២០១៦ ដែលជាបេសកម្មពីរចុងក្រោយរបស់លោកកាលពីកន្លងទៅ។ អវកាសយានិក Zhu Yangzhu និង Gui Haichao កំពុងធ្វើដំណើរទៅកាន់ទីអវកាសជាលើកដំបូង បន្ទាប់ពីត្រូវបានជ្រើសរើសនៅក្នុងក្រុមអវកាសយានិកចិនទីបី ដែលបានបញ្ចប់ក្នុងខែកញ្ញា ឆ្នាំ ២០២០៕