ចិន៖ ប្រទេសចិនបញ្ជូនអវកាសយានិកស៊ីវិលដំបូងរបស់ខ្លួនទៅកាន់ទីអវកាសជាលើកដំបូងនាថ្ងៃច័ន្ទនេះ ដែលជាផ្នែកនៃបេសកកម្មនាវិកទៅកាន់ស្ថានីយអវកាស Tiangong។ ការបញ្ជូនអវកាសយានិកទៅកាន់លំហរនេះត្រូវបានបណ្តាលប្រទេសមួយចំនួនសម្តែងការអបអរសាទរចំពោះជោគជ័យដ៏ធំរបស់ប្រទេសចិន។
លោក Gui Haichao អ្នកជំនាញផ្នែកផ្ទុកទំនិញ នឹងហោះចេញពីមជ្ឈមណ្ឌលបាញ់បង្ហោះផ្កាយរណប Jiuquan នៅភាគពាយព្យប្រទេសចិនបានឲ្យដឹងថារហូតមកដល់ពេលនេះ អវកាសយានិកចិនទាំងអស់ដែលត្រូវបានបញ្ជូនទៅកាន់ទីអវកាសគឺជាសមាជិកនៃកងទ័ពរំដោះប្រជាជន ហើយការបញ្ជូនទៅកាន់លំហរអាកាសនេះគឺដើម្បីសិក្សាស្វែងយល់បន្ថែមទៀតពីលំហរនៃអវកាស និងជាបេសកម្មពិសេសមួយសម្រាប់ប្រទេសចិនទាំងមូល។
អ្នកនាំពាក្យរបស់ទីភ្នាក់ងារអវកាសបានប្រាប់អ្នកយកព័ត៌មានថា លោក Gui ដែលជាសាស្ត្រាចារ្យនៅសាកលវិទ្យាល័យ Beijing University of Aeronautics and Astronautics នឹង "ទទួលខុសត្រូវជាចម្បងសម្រាប់ប្រតិបត្តិការនៅលើគន្លងនៃបន្ទុកពិសោធន៍វិទ្យាសាស្ត្រអវកាស" ។
យោងតាមប្រព័ន្ធផ្សព្វផ្សាយរដ្ឋបានឱ្យដឹងថា មេបញ្ជាការនៃបេសកកម្ម គឺលោក Jing Haipeng - ក្នុងការធ្វើដំណើរទីបួនរបស់គាត់ទៅកាន់ទីអវកាស ខណៈដែលសមាជិកនាវិកទីបីគឺវិស្វករ Zhu Yangzhu ។ ប្រទេសចិនដែលមានគម្រោងចុះចតអវកាសយានិកនៅលើឋានព្រះច័ន្ទនៅឆ្នាំ ២០៣០ បានបណ្តាក់ទុនរាប់ពាន់លានដុល្លារទៅក្នុងកម្មវិធីអវកាសដែលគ្រប់គ្រងដោយយោធារបស់ខ្លួន ដោយព្យាយាមតាមទាន់សហរដ្ឋអាម៉េរិក និងរុស្ស៊ី បន្ទាប់ពីខកខានជាច្រើនឆ្នាំដើម្បីផ្គូផ្គងព្រឹត្តិការណ៍សំខាន់ៗក្នុងពិភពលោក។
ទីភ្នាក់ងារព័ត៌មានរដ្ឋ Xinhua បានរាយការណ៍ថា ស្ថានីយ៍នេះផ្ទុកនូវឧបករណ៍វិទ្យាសាស្ត្រទំនើបៗជាច្រើន ដែលរួមមាន “ប្រព័ន្ធនាឡិកាអាតូមត្រជាក់ដែលមានមូលដ្ឋានលើលំហដំបូងបង្អស់របស់ពិភពលោក”។
យានអវកាស Tiangong ត្រូវបានគេរំពឹងថានឹងស្ថិតនៅក្នុងគន្លងផែនដីទាបនៅចម្ងាយចន្លោះពី ៤០០ ទៅ ៤៥០ គីឡូម៉ែត្រ ពីលើភពផែនដីយ៉ាងហោចណាស់ ១០ ឆ្នាំ ដោយសម្រេចបាននូវមហិច្ឆតាមួយដើម្បីរក្សាវត្តមានមនុស្សរយៈពេលយូរនៅក្នុងលំហ។ វានឹងត្រូវបានបញ្ជូនបន្តដោយក្រុមវិលជុំនៃអវកាសយានិកបីនាក់ដែលនឹងធ្វើការពិសោធន៍វិទ្យាសាស្ត្រ និងជួយសាកល្បងបច្ចេកវិទ្យាថ្មីៗ៕
