គណបក្សប្រជាជនកម្ពុជាឈរលេខរៀងទី១៨ សម្រាប់ការបោះឆ្នោត អាណត្តិទី៧

ភ្នំពេញ៖ គណបក្សប្រជាជនកម្ពុជា បានទទួលលេខរៀងទី១៨ សម្រាប់ប្រកួតប្រជែង ក្នុងការបោះឆ្នោតជ្រើសតាំងតំណាងរាស្ត្រ អាណត្តិទី៧ ក្នុងខែកក្កដា ឆ្នាំ២០២៣ ខាងមុខនេះ។ ការចាប់ឆ្នោតកំណត់លំដាប់លេខរៀង ឈ្មោះគណបក្សនយោបាយឈរឈ្មោះបោះឆ្នោតលើសន្លឹកឆ្នោតសម្រាប់ការបោះឆ្នោតនេះ ត្រូវបានរៀបចំដោយ គណៈកម្មាធិការជាតិរៀបចំការបោះឆ្នោត នៅព្រឹកថ្ងៃទី២៩ ខែឧសភានេះ ក្រោមព្រះវត្តមានសម្តេចសង្ឃរាជទាំងពីរគណៈ ព្រមទាំងមានការចូលរួមពី សំណាក់តំណាងគណបក្សនយោបាយទាំង១៨ ដែលបានចុះបញ្ជីនៅ គ.ជ.ប រួចរាល់។

ខាងក្រោមនេះជាលំដាប់លេខរៀងគណបក្សនយោបាយ សម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៧៖

១៖ សំបុកឃ្មុំ ២៖ គណបក្សខ្មែរតែមួយ ៣៖ សញ្ជាតិកម្ពុជា ៤៖ ខ្មែររួបរួមជាតិ ៥៖ កម្លាំងប្រជាធិបតេយ្យ ៦៖ កសិករ ៧៖ ស្រ្តីដើម្បីស្ត្រី ៨៖ គណបក្សខ្មែរឈប់ ៩៖ ហ្វ៊ុនស៉ិនប៉ិច ១០៖ ធម្មាធិបតេយ្យ ១១៖ គណបក្សមូលដ្ឋាន ១២៖ បំណងប្រជាពលរដ្ឋ ១៣៖ គណបក្សខ្មែរអភិវឌ្ឍន៍សេដ្ឋកិច្ច ១៤៖ ឯកភាពជាតិខ្មែរ ១៥៖ ខ្មែរអភិរក្ស ១៦៖ យុវជនកម្ពុជា ១៧៖ ជនជាតិដើមប្រជាធិបេតយ្យ ១៨៖ គណបក្សប្រជាជនកម្ពុជា៕