ចិន៖ មន្ត្រីរដ្ឋបាលព្រៃឈើនៃប្រទេសចិនបានគូសបញ្ជាក់ថា ប្រទេសចិននឹងពង្រឹងការការពារសត្វព្រៃបន្ថែមទៀត ក្រោមការការពារសំខាន់ៗ រួមមាន ខ្លាឃ្មុំផេនដាយក្ស ខ្លាស៊ីបេរីនិងព្រៃឈើមួយចំនួនដូចជា ដើមត្រែង និងផ្កាអ័រគីដេ ក្នុងអំឡុងពេលផែនការប្រាំឆ្នាំលើកទី 14 (2021-2025)។
បើតាមលោក Wan Ziming អនុប្រធាននាយកដ្ឋានអភិរក្សសត្វព្រៃបានឲ្យដឹងថា នៅឆ្នាំ ២០២៥ អត្រានៃការការពារសត្វព្រៃ ដ៏សំខាន់ថ្នាក់ជាតិនឹងឈានដល់ ៧៥ ភាគរយ ហើយរុក្ខជាតិព្រៃនៅលើដីក្រោមការការពារគន្លឹះជាតិនឹងឈានដល់ ៨០ ភាគរយ។ លោកបន្តថា“ក្រុមប្រឹក្សារដ្ឋបានអនុម័តផែនការប្លង់សម្រាប់ឧទ្យានជាតិកាលពីចុងឆ្នាំមុន ដែលបានជ្រើសរើសតំបន់បេក្ខភាពចំនួន ៤៩ ក្នុងតំបន់ភូមិសាស្ត្រធម្មជាតិចំនួន ៣៩ ក្នុងតំបន់អេកូឡូស៊ីចំនួន ៤ សម្រាប់ការសាងសង់ឧទ្យានជាតិ។
យោងតាម NFGA បានឱ្យដឹងថា ប្រទេសចិននឹងពន្លឿនការសាងសង់ប្រព័ន្ធបម្រុងធម្មជាតិដែលមានឧទ្យានជាតិជាស្ថាប័នសំខាន់ ហើយធានាឱ្យមានកំណើនប្រកបដោយស្ថិរភាពនៃចំនួនសត្វដែលជិតផុតពូជ។
ប្រទេសចិនបានខិតខំប្រឹងប្រែងជាច្រើនក្នុងការជួយសង្គ្រោះ និងការពារសត្វព្រៃ ដូចជាការផ្លាស់ប្តូរទីតាំង និងការបង្កាត់ពូជ និងការដាំដុះសិប្បនិម្មិត ជាមួយនឹងការកើនឡើងជាលំដាប់នៃចំនួនសត្វព្រៃ និងជិតផុតពូជជាង ៣០០ ប្រភេទ រួមទាំងដំរីអាស៊ី និងសត្វខ្លាស៊ីបេរី៕
