រុស្សី៖ រុស្ស៊ីបានហាមឃាត់ប្រជាពលរដ្ឋអាម៉េរិកជាង ៥០០នាក់បន្ថែមទៀត រួមទាំងអតីតប្រធានាធិបតី បារ៉ាក់ អូបាម៉ា ជាការឆ្លើយតបទៅនឹងទណ្ឌកម្មដែលដាក់ដោយទីក្រុងវ៉ាស៊ីនតោន។ បើយោងតាមក្រសួងការបរទេសរុស្សីបានឲ្យដឹងថា "ដើម្បីឆ្លើយតបទៅនឹងទណ្ឌកម្មប្រឆាំងរុស្ស៊ីដែលដាក់ ដោយរដ្ឋបាល Biden ការចូលទៅក្នុងសហព័ន្ធរុស្ស៊ីត្រូវបានបិទសម្រាប់ជនជាតិអាម៉េរិកចំនួន ៥០០ នាក់" ដោយបន្ថែមថាលោក Obama ស្ថិតក្នុងចំណោមអ្នកដែលមាននៅក្នុងបញ្ជី។
កាលពីថ្ងៃសុក្រ សហរដ្ឋអាម៉េរិកបានបន្ថែមក្រុមហ៊ុន និងបុគ្គលរាប់រយនាក់ទៀតទៅក្នុងបញ្ជីខ្មៅដាក់ទណ្ឌកម្មរបស់ខ្លួន ខណៈដែលខ្លួនបានពង្រីកកិច្ចខិតខំប្រឹងប្រែងដើម្បីរារាំងសេដ្ឋកិច្ចរបស់រុស្ស៊ីជុំវិញការវាយលុករបស់អ៊ុយក្រែន។ ក្នុងចំណោមអ្នកដែលបានរាយបញ្ជីនោះ មានពិធីករទូរទស្សន៍ Stephen Colbert, Jimmy Kimmel និងលោក Seth Meyers ព្រមទាំងមនុស្សល្បីៗជាច្រើនទៀតនៅក្នុងសហរដ្ឋអាម៉េរិក៕
