តៃប៉ិ៖ ប្រធានាធិបតីតៃវ៉ាន់ លោកស្រី Tsai Ing-wen បានប្តេជ្ញានៅថ្ងៃសៅរ៍ថា នឹងរក្សាស្ថានភាពសន្តិភាព និងស្ថិរភាពនៅទូទាំងច្រកសមុទ្រតៃវ៉ាន់ ចំពេលមានភាពតានតឹងខ្ពស់ជាមួយប្រទេសចិន ដែលបានបង្កើនសម្ពាធយោធាលើកោះដែលគ្រប់គ្រងតាមបែបប្រជាធិបតេយ្យ។
លោកស្រី Tsai បាននិយាយនៅក្នុងសុន្ទរកថាមួយនៅក្នុងការិយាល័យប្រធានាធិបតីក្នុងទីក្រុងតៃប៉ិដែលប្រារព្ធខួបលើកទី 7 នៃការគ្រប់គ្រងរបស់តៃវ៉ាន់ថាតៃវ៉ាន់នឹងមិនបង្កហេតុ ហើយនឹងមិនចុះចាញ់នឹងសម្ពាធរបស់ចិនជាដាច់ខាត។
ប្រទេសចិនដែលចាត់ទុកកោះតៃវ៉ាន់ជាកម្មសិទ្ធិរបស់ខ្លួន និងគំរាមកំហែងនាំយកកោះនេះឱ្យស្ថិតនៅក្រោមការគ្រប់គ្រងរបស់ខ្លួនប្រសិនបើចាំបាច់នោះ បានបង្កើនសម្ពាធផ្នែកយោធា និងការទូតដើម្បីបង្ខំឱ្យតៃវ៉ាន់នេះទទួលយកអធិបតេយ្យភាពរបស់ចិនចាប់តាំងពីលោកស្រី Tsai ចូលកាន់តំណែងក្នុងឆ្នាំ ២០១៦ ។
ទីក្រុងប៉េកាំងបានច្រានចោលការអំពាវនាវឱ្យមានការពិភាក្សាពីលោកស្រី Tsai ដោយចាត់ទុកលោកស្រីថាជាអ្នកបំបែកខ្លួននៃតៃវ៉ាន់។ Tsai បានប្តេជ្ញាម្តងហើយម្តងទៀតដើម្បីការពារសេរីភាព និងលទ្ធិប្រជាធិបតេយ្យរបស់តៃវ៉ាន់។
សម្រាប់លោកស្រី Tsai សង្រ្គាមមិនមែនជាជម្រើសទេ ដោយភាគីទាំងពីរមិនអាចផ្លាស់ប្តូរស្ថានភាពជាឯកតោភាគីជាមួយនឹងមធ្យោបាយមិនសន្តិភាពនោះទេ។ លោកស្រីបន្តថា"ទោះបីជាតៃវ៉ាន់ត្រូវបានហ៊ុំព័ទ្ធដោយហានិភ័យក៏ដោយក៏តៃវ៉ាន់នៅតែរក្សាសិទ្ធិក្នុងការការពារខ្លួនដដែល៕
