កីឡាករគុនខ្មែរ ឃុន ឡាំងកូសុីន ឈ្នះមេដាយមាសក្នុងព្រឹត្តិការណ៍កីឡាសុីហ្គេម

ភ្នំពេញ៖ កីឡាករគុនខ្មែរ ឃុន ឡាំងកូសុីន នាថ្ងៃទី១១ ឧសភា ឈ្នះមេដាយមាសលើប្រភេទវិញ្ញាសាគុនខ្មែរ បន្ទាប់ពីយកឈ្នះកីឡាករហ្វីលីពីន KRISTIAN SALATAN NARCA ដោយពិន្ទុ ការប្រកួតធ្វើឡើងនៅពហុកីឡដ្ឋានជាតិមរតកតេជោ។

កីឡាករគុនខ្មែរ ឃុន ឡាំងកូសុីន បានយកឈ្នះទៅលើកីឡាករហ្វីលីពីន KRISTIAN SALATAN NARCA ក្នុងវិញ្ញាសារគុនខ្មែរ ដណ្ដើមបានមេដាយមាសដោយវាយឈ្នះដោយពិន្ទុ ក្នុងប្រភេទទម្ងន់ ទម្ងន់៥៧ គីឡូក្រាម (បុរស) ក្នុងព្រឹត្តិការណ៍កីឡាសុីហ្គេមលើកទី៣២ ឆ្នាំ២០២៣។ ហើយប្រជាពលរដ្ឋកម្ពុជាជាច្រើនបានបង្ហាញ់នូវអារម្មណ៍រំភើបយ៉ាងខ្លាំង ដែលកីឡាករគុនខ្មែរកម្ពុជាទទួលបានមេដាយមាស នៅក្នុងព្រឹត្តិការណ៍កីឡាសុីហ្គេម។

គួរបញ្ជាក់ថា កីឡាករគុនខ្មែរ ៥រូបដែលបានឈ្នះមេដាយមាស រួមមានកីឡាករ ភុន ពិសិដ្ឋ, ម៉ាប់ ធារ៉ា, ខាំ ខ្លានាង, ហ៊ឹម គឹមរៀង និងកីឡាករ ឡៅ ចិត្រា រីឯកីឡាការិនី សំ សំណាង បាន មេដាយ ប្រាក់។ ហើយក៏ជាប្រវត្តិសាស្រ្តដែលកម្ពុជាដាក់បញ្ជូលកីឡាករគុនខ្មែរ ក្នុងព្រឹត្តិការណ៍សុីហ្គេមជាលើកដំបូង នៅកម្ពុជា៕