អាម៉េរិក៖ មន្ទីរបញ្ចកោណនៃសហរដ្ឋអាម៉េរិកនាថ្ងៃអង្គារបានប្រកាសផ្តល់កញ្ចប់ជំនួយសព្វាវុធថ្មីដល់អ៊ុយក្រែនជា១ពាន់លានដុល្លារដោយក្នុងមានទាំងផ្តល់អាវុធធន់ធ្ងន់ និងមីស៊ីលការពារដែនអាកាសជាច្រើនទៀតផង។ ការផ្តល់ឲ្យអ៊ុយក្រែននូវជំនួយសព្វាវុធថ្មីនេះគឺជាចំពេលដែលរុស្សីបានប្រារព្ធពិធីទិវានៃជ័យជំនះសង្រ្គាមលើកលើកទី២លើកទី៧៨ឆ្នាំរបស់ខ្លួន។
មន្ទីរបញ្ចកោណបានពណ៌នាអំពីជំនួយនេះថាមាន "ប្រព័ន្ធការពារដែនអាកាស និងគ្រាប់រំសេវ" គ្រាប់រំសេវសម្រាប់ការពារប្រឆាំងយន្តហោះគ្មានមនុស្សបើក កាំភ្លើងធំ 155 មីលីម៉ែត្រ ឧបករណ៍សម្រាប់រួមបញ្ចូលប្រព័ន្ធការពារដែនអាកាសដែលផ្គត់ផ្គង់ដោយលោកខាងលិចទៅអ៊ុយក្រែន និង "ការគាំទ្រសម្រាប់ការបណ្តុះបណ្តាល ការថែទាំ និងនិរន្តរភាពផ្សេងៗរបស់អ៊ុយក្រែនថែមទៀតផង។
យោងតាមការប៉ាន់ប្រមាណរបស់រុស្ស៊ី លោកខាងលិចបានផ្គត់ផ្គង់អាវុធ គ្រាប់រំសេវ និងការផ្គត់ផ្គង់ដែលមានតម្លៃ ១០០ ពាន់លានដុល្លារដល់យោធាអ៊ុយក្រែននៅចុងឆ្នាំ ២០២២។ ទោះជាយ៉ាងណាក៏ដោយ សហរដ្ឋអាម៉េរិក និងសម្ព័ន្ធមិត្តបានទទូចថាពួកគេមិនពាក់ព័ន្ធដោយផ្ទាល់នៅក្នុងជម្លោះនោះទេ។
សេចក្តីប្រកាសរបស់មន្ទីរបញ្ចកោណ ធ្វើឡើងចំពេលមានការប្រឈមមុខដាក់គ្នារវាងលោក Biden និងសភាតំណាងរាស្រ្តភាគច្រើននៃគណបក្សសាធារណរដ្ឋ ជុំវិញការដំឡើងបំណុលរបស់សហរដ្ឋអាម៉េរិក។ បច្ចុប្បន្នទីក្រុងវ៉ាស៊ីនតោនកំពុងដំណើរការបំណុលជាតិដែលត្រូវបានប៉ាន់ប្រមាណថាមានចំនួនជាង ៣១ ពាន់ពាន់លានដុល្លារ ហើយនឹងសងបំណុលវិញលុះត្រាតែសភាអនុម័តដែនកំណត់បំណុលខ្ពស់ត្រឹមថ្ងៃទី ១ ខែមិថុនា។ រដ្ឋលេខាធិការរតនាគារអាម៉េរិកលោកស្រី Janet Yellen បានអះអាងថា បំណុលចាំបាច់ត្រូវលើកឡើង ដើម្បី "ជៀសវាងវិបត្តិសេដ្ឋកិច្ច"៕
