វៀតណាមប្រលែង«អណ្តើក»ទម្ងន់ជាង៨០គីឡូ

វៀតណាម៖ ឆ្មាំសមុទ្របានដោះលែងអណ្តើកសមុទ្រចំនួន ៤ ក្បាលទៅក្នុងទឹកនៃខេត្ត Kien Giang នៃប្រទេសវៀតណាមបន្ទាប់ពីពួកវាត្រូវបានអ្នកនេសាទក្នុងតំបន់ចាប់បាន។

អណ្តើកសមុទ្រមួយក្បាលទម្ងន់ជាង ៨០គីឡូក្រាម និងមានប្រវែង ១,២ម៉ែត្រ ត្រូវបានលែងចូលទៅក្នុងសមុទ្រកាលពីព្រឹកថ្ងៃចន្ទ បន្ទាប់ពីវាត្រូវអ្នកនេសាទចាប់បាននៅលើកោះ Phu Quoc ។ តាមការលើកទឹកចិត្តពីអាជ្ញាធរមូលដ្ឋាន អ្នកនេសាទបានប្រគល់អណ្តើកទៅវិញ។ កាលពីថ្ងៃអាទិត្យកន្លងទៅ សត្វអណ្តើកសមុទ្របីក្បាលផ្សេងទៀតដែលមានទម្ងន់ពី ៩០ ទៅ ១០០ គីឡូក្រាមក្នុងមួយក្បាលក៏ត្រូវបានគេដាក់ចូលទៅក្នុងសមុទ្រវិញ។

យោងតាមសហភាពអន្តរជាតិសម្រាប់ការអភិរក្សធម្មជាតិនៃបញ្ជីក្រហមនៃប្រភេទសត្វដែលរងការគំរាមកំហែង (IUCN) អណ្តើកសមុទ្រនៅទូទាំងពិភពលោកមានកម្រិតទាបជាប្រវត្តិសាស្ត្រដោយសារតែការកេងប្រវ័ញ្ចហួសកម្រិតជាបន្តបន្ទាប់ពីឈ្មួញ ដែលជាហេតុកំពុងបង្កឲ្យពួកវាស្ទើតែដាច់ពូជ៕