Yearendyearend1140x150
Img 0571

អាម៉េរិកចាប់ខ្លួនប៉ូលិសសម្ងាត់ចិន

អន្តរជាតិ
/
អ្នកយកព័ត៌មាន:
កូ រដ្ឋា
/
មន្ត្រី FBI ចូលរួមក្នុងសេចក្តីប្រកាសមួយក្នុងទីក្រុងញូវយ៉កអំពីការចោទប្រកាន់លើជនសង្ស័យដែលជាភ្នាក់ងារចិននៅអាម៉េរិក

អាម៉េរិក៖ ក្រសួងយុត្តិធម៌អាម៉េរិកកាលពីថ្ងៃច័ន្ទបានចាប់ខ្លួនជនជាតិចិនពីរនាក់ដោយចោទប្រកាន់ពួកគេពីបទជួយរដ្ឋាភិបាលនៃប្រទេសចិនបង្កើតប៉ុស្តិ៍ប៉ូលីសសម្ងាត់នៅតំបន់ Manhattan និងជាមួយនឹងការព្យាយាមលាក់ភស្តុតាងពី FBI ។ រដ្ឋាភិបាលសហរដ្ឋអាម៉េរិកក៏បានចោទប្រកាន់ជនជាតិចិនចំនួន ៤៤ នាក់ជាមួយនឹង "គម្រោងការជំរិតទាប្រាក់" សំដៅលើជនជាតិអាម៉េរិកតាមអ៊ីនធឺណិត។

មន្រ្តីក្នុងតំបន់បានឲ្យដឹងថាលោក "Harry" អាយុ ៦១ ឆ្នាំលោក Lu Jianwang និង Chen Jinping អាយុ ៥៩ ឆ្នាំត្រូវបានចាប់ខ្លួននៅផ្ទះរបស់ពួកគេផ្ទាល់។ ពួកគេត្រូវបានចោទប្រកាន់ពីបទសមគំនិតក្នុងការធ្វើជាភ្នាក់ងាររបស់រដ្ឋាភិបាលចិន ដោយប្រឈមនឹងការជាប់ពន្ធនាគាររហូតដល់ ២៥ ឆ្នាំ ប្រសិនបើត្រូវបានកាត់ទោស។

យោងតាមរដ្ឋអាជ្ញាសហព័ន្ធ បុរសទាំងពីរមាន "ទំនាក់ទំនងដ៏យូរអង្វែងនៃការជឿទុកចិត្ត" ជាមួយក្រសួងសន្តិសុខសាធារណៈចិន (MPS) ដែលពួកគេបានជួយ "បើក និងប្រតិបត្តិការស្ថានីយ៍ប៉ូលីស MPS ខុសច្បាប់មួយនៅលើទឹកដីសហរដ្ឋអាម៉េរិក" ។

ជំនួយការអគ្គមេធាវីលោក Matthew Olsen បាននិយាយនៅក្នុងសេចក្តីថ្លែងការណ៍មួយថា " សាធារណរដ្ឋប្រជាមានិតចិន តាមរយៈឧបករណ៍សន្តិសុខគៀបសង្កត់របស់ខ្លួន បានបង្កើតវត្តមានសម្ងាត់នៅក្នុងទីក្រុងញូវយ៉ក ដើម្បីតាមដាន និងបំភិតបំភ័យអ្នកប្រឆាំង និងអ្នកដែលរិះគន់រដ្ឋាភិបាលរបស់ខ្លួន"៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង