ក្រុមជម្រើសជាតិកម្ពុជា ចាញ់ម៉ាឡេសុី ៣សិត ក្នុងពានរង្វាន់ Tri-Nation Volleyball Cub 2023

ភ្នំពេញ៖ ការប្រកួតកីឡាបាល់ទះមិត្តភាពអន្តរជាតិ នាថ្ងៃទី២៩ មីនាក្រុមជម្រើសជាតិកម្ពុជាបានចាញ់ក្រុម ម៉ាឡេសុី ទាំង ៣-០ សិច ក្នុងពានរង្វាន់ Tri-Nation Volleyball ២០២៣ នៅកីឡដ្ឋាន MBSA Indoor Volleyball Hall Section ៤ ប្រទេសម៉ាឡេស៊ី។

លោក អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា បានបង្ហាញពីអារម្មណ៍សោកស្តាយ ក្រោយក្រុមកីឡាបាល់ទះកម្ពុជា បានចាញ់ម្ចាស់ផ្ទះម៉ាឡេស៊ី ក្នុងលទ្ធផល ៣-០ សិត ក្នុងការប្រកួតពានរង្វាន់ Tri-Nation Volleyball ២០២៣ ក្នុងក្រុងគូឡាឡាំពួ ប្រទេសម៉ាឡេស៊ី។ ការប្រកួតកីឡាបាល់ទះអន្តរជាតិ ក្រុមជម្រើសជាតិកម្ពុជានេះ គឺដើម្បីវាសស្ទងនូវសមត្តភាពរបស់កីឡាករកម្ពុជា ដើម្បីត្រៀមខ្លួនក្នុងព្រឹត្តិការណ៍កីឡាសុីហ្គេម លើកទី៣២ ឆ្នាំ២០២៣ដែលកម្ពុជាធ្វើជាម្ចាស់ផ្ទះ។

គួរបញ្ជាក់ថា ការប្រកួតកីឡាបាល់ទះមិត្តភាពអន្តរជាតិមាន ៣ប្រទេសដែលមានចូលរួមប្រកួត រួមមាន ក្រុមជម្រើសជាតិកម្ពុជា សិង្ហបុរី និងម្ចាស់ផ្ទះម៉ាឡេសុី ដែលត្រូវចូលរួមប្រកួត។ ហើយនៅថ្ងៃទី៣០ មីនានេះ ក្រុមជម្រើសជាតិកម្ពុជានឹងត្រូវប៉ះសិង្ហបុរី នៅយប់ម៉ោង៧នេះ៕