អាម៉េរិក៖ សហរដ្ឋអាម៉េរិកនាថ្ងៃសុក្រនេះបានប្រកាសបើកការវាយប្រហារផ្លូវអាកាសទៅលើប្រទេសស៊ីរីភ្លាមៗក្រោយក្រុមឆ្មាំបដិវត្តន៍អ៊ីស្លាមបានសម្លាប់ទាហានអាម៉េរិកម្នាក់ និងធ្វើឲ្យរងរបួស ៥នាក់។ បន្ទាប់ពីយន្តហោះគ្មានមនុស្សបើកមួយបានវាយប្រហារលើមូលដ្ឋានសម្ព័ន្ធនៅជិត Hasakah ភាគឦសានប្រទេសស៊ីរី។
រដ្ឋមន្ត្រីក្រសួងការពារជាតិ Lloyd J. Austin III បាននិយាយថា "តាមការណែនាំរបស់ប្រធានាធិបតី Biden ខ្ញុំបានអនុញ្ញាតឱ្យកងកម្លាំងបញ្ជាការកណ្តាលរបស់សហរដ្ឋអាម៉េរិកធ្វើការវាយប្រហារតាមអាកាសយ៉ាងជាក់លាក់ភាគខាងកើតប្រទេសស៊ីរី ប្រឆាំងនឹងកន្លែងប្រើប្រាស់ដោយក្រុមដែលមានទំនាក់ទំនងជាមួយកងឆ្មាំបដិវត្តន៍អ៊ីស្លាម (IRGC)" ។ "ការវាយប្រហារតាមអាកាសត្រូវបានធ្វើឡើងដើម្បីឆ្លើយតបទៅនឹងការវាយប្រហារនៅថ្ងៃនេះ ក៏ដូចជាការវាយប្រហារថ្មីៗជាបន្តបន្ទាប់ប្រឆាំងនឹងកងកម្លាំងចម្រុះនៅក្នុងប្រទេសស៊ីរីដោយក្រុមដែលមានទំនាក់ទំនងជាមួយ IRGC" ។
ការវាយប្រហារទាំងនេះមានគោលបំណងការពារពលរដ្ឋអាម៉េរិក។ សហរដ្ឋអាម៉េរិកបានចាត់វិធានការសមាមាត្រ និងចេតនាក្នុងគោលបំណងកំណត់ហានិភ័យនៃការកើនឡើង និងកាត់បន្ថយចំនួនអ្នកស្លាប់។
សម្រាប់លោក Austion "ដូចដែលប្រធានាធិបតី Biden បានបញ្ជាក់យ៉ាងច្បាស់ យើងនឹងចាត់វិធានការចាំបាច់ទាំងអស់ដើម្បីការពារប្រជាជនរបស់យើង ហើយនឹងឆ្លើយតបជានិច្ច និងទីកន្លែងដែលយើងជ្រើសរើស"៕
