ចិន៖ នាវាពិឃាតមីស៊ីលដឹកនាំរបស់ចិន Nanning បានចាកចេញពីកំពង់ផែ Chabahar របស់អ៊ីរ៉ង់កាលពីថ្ងៃអាទិត្យ ដើម្បីបន្តបេសកកម្មអមដំណើររបស់ខ្លួន បន្ទាប់ពីបានបញ្ចប់សមយុទ្ធដែនសមុទ្ររួមគ្នារយៈពេលបួនថ្ងៃក្នុងចំណោមប្រទេសចិន អ៊ីរ៉ង់ និងរុស្ស៊ី។
បើតាមមន្រ្តីចិនបានឲ្យដឹងថាសមយុទ្ធ "ធ្វើការរួមគ្នាដើម្បីសន្តិភាពដែលមានសុវត្ថិភាព" សមយុទ្ធយោធាដែនសមុទ្ររួមគ្នា Security Belt-2023 គឺជាការវិវត្តន៍ពីសមយុទ្ធកងទ័ពជើងទឹករួមគ្នាពីរក្នុងចំណោមប្រទេសទាំងបីដែលបានធ្វើឡើងក្នុងឆ្នាំ ២០១៩ និង ២០២២។ វាត្រូវបានប្រារព្ធឡើងនៅឈូងសមុទ្រអូម៉ង់ផ្តោតលើការបាញ់តាមផ្ទៃសមុទ្រ ការប្រឆាំងភេរវកម្ម និងសមយុទ្ធប្រឆាំងការលួចវាឆ្មក់ផ្សេងៗ។
នាវាពិឃាត Nanning បានមកដល់ដែនទឹកដែលបានកំណត់របស់កំពុងផែ Chabahar កាលពីថ្ងៃពុធ ហើយបានបញ្ចប់ការកសាងកងទ័ពជាមួយនឹងនាវាពិឃាតអ៊ីរ៉ង់ Jamal និងនាវាចម្បាំងរុស្ស៊ី Admiral Gorshkov ។
ប្រទេសចិន និងអ៊ីរ៉ង់បានរួមគ្នាធ្វើសមយុទ្ធមួយ ដើម្បីជួយសង្គ្រោះកប៉ាល់ឈ្មួញដែលត្រូវបានប្លន់នៅម៉ោងប្រាំពីរព្រឹកថ្ងៃសុក្រ។ កប៉ាល់យោធាអ៊ីរ៉ាក់ឈ្មោះ Sircan បានដើរតួជាកប៉ាល់ពាណិជ្ជករដែលត្រូវបានប្លន់។ លោក Qiu Maoxuan កាពីទែននាវាពិឃាត Nanning បាននិយាយថា "សមយុទ្ធនេះបានធ្វើឱ្យស៊ីជម្រៅនូវកិច្ចសហប្រតិបត្តិការកងទ័ពជើងទឹកជាក់ស្តែងនៃប្រទេសដែលចូលរួម ហើយបានបង្ហាញឱ្យឃើញបន្ថែមទៀតនូវឆន្ទៈ និងសមត្ថភាពរបស់យើងក្នុងការរួមគ្នាការពារសន្តិសុខដែនសមុទ្រ" ។
