«អណ្តើកយក្ស»ទម្ងន់ជាង១០០គីឡូក្រាមត្រូវបានប្រលែងចូលសមុទ្រវិញ

វៀតណាម៖ អណ្តើកជិតផុតពូជទម្ងន់ជាង១០០គីឡូក្រាម ត្រូវបានក្រុមអ្នកនេសាទវៀតណាមចាប់ដាក់ក្នុងសំណាញ់ ហើយទីបំផុតត្រូវលែងទៅសមុទ្រវិញ។ នេះបើយោងតាមការចុះផ្សាយរបស់សារព័ត៌មានវៀតណាម VN Express។

លោក Pham Thanh អាយុ ៥៨ ឆ្នាំ បានប្រទះឃើញអណ្តើកនេះជាប់ក្នុងសំណាញ់នាល្ងាចថ្ងៃព្រហស្បតិ៍។ ពេលនោះគាត់ និងអ្នកជិតខាងបាននាំអណ្តើកចូលច្រាំង ហើយរាយការណ៍ប្រាប់សមត្ថកិច្ចមូលដ្ឋាន។

ក្រុមមន្រ្តីក្នុងស្រុកបានឲ្យដឹងថា អណ្តើកនេះគឺជាសត្វដែលធ្ងន់បំផុតមិនធ្លាប់មានដោយអ្នកនេសាទនៅតំបន់ Thua Thien-Hueធ្លាប់ចាប់បានពីមុនឡើយ។ ។ ទីបំផុតអណ្តើកត្រូវបានគេដោះលែងវិញទៅកាន់សមុទ្រ។ អណ្តើកសមុទ្រត្រូវបានចុះបញ្ជីក្នុងចំណោមប្រភេទសត្វជិតផុតពូជក្នុងប្រទេសវៀតណាម ដែលមានន័យថាការលក់ និងការដឹកជញ្ជូនរបស់វាត្រូវបានហាមឃាត់ដោយច្បាប់៕